ଭୁବନେଶ୍ୱର,୨୪।୩: ହୋଣ୍ଡା କାର୍ସ ଇଣ୍ଡିଆ ଲିମିଟେଡ୍ (ଏଚ୍ସିଆଇଏଲ୍)ର ବହୁ ପ୍ରତୀକ୍ଷିତ ତଥା ହୋଣ୍ଡାର ନୂତନ ଏସ୍ୟୁଭି ଏଲିଭେଟ୍କୁ ଜାପାନ ବଜାରରେ ‘ଡବ୍ଲ୍ୟୁଆର୍-ଭି’ବ୍ରାଣ୍ଡ୍ରେ ଉନ୍ମୋଚନ ସହ କମ୍ପାନୀ ନୂତନ ମାଇଲଖୁଣ୍ଟ ହାସଲ କରିଛି। ବିଶେଷକରି କମ୍ପାନୀ ତା’ର ମେଡ୍-ଇନ୍-ଇଣ୍ଡିଆ ହୋଣ୍ଡା ଏଲିଭେଟ୍କୁ ଜାପାନ ବଜାରରେ ଡବ୍ଲ୍ୟୁଆର୍-ଭି ମଡେଲ ନାମରେ ଅନାବରଣ କରିଛି। ସେହିଭଳି ଏଚ୍ସିଆଇଏଲ୍ର ବ୍ୟବସାୟ ମଧ୍ୟରେ ପ୍ରଥମ ଥର ପାଇଁ ଭାରତରୁ ଜାପାନକୁ ଏକ ମଡେଲ ରପ୍ତାନି କରାଯାଉଛି। ଏହା କେବଳ ଭାରତର ଅଟୋମୋବାଇଲ ଶିଳ୍ପ ପାଇଁ ଏକ ଗୁରୁତ୍ୱପୂର୍ଣ୍ଣ ତଥା ଉନ୍ନତିମୂଳକ ଘଟଣା ନୁହେଁ ବରଂ ଦେଶର ବଢୁଥିବା ଉତ୍ପାଦନ ଦକ୍ଷତା ଏବଂ ବିଶ୍ୱସ୍ତରୀୟ ପ୍ରତିଦ୍ୱନ୍ଦ୍ୱିତା ଉପରେ ମଧ୍ୟ ଏହା ବିଶେଷ ଆଲୋକପାତ କରୁଛି।
ଭାରତରୁ ଜାପାନକୁ ଏଲିଭେଟ୍ ରପ୍ତାନି କରିବାର ହୋଣ୍ଡାର ନିଷ୍ପତ୍ତି ବିଶ୍ୱବ୍ୟାପୀ ବ୍ରାଣ୍ଡ୍ର ଗ୍ରାହକମାନଙ୍କୁ ଭାରତ ନିର୍ମିତ ଉନ୍ନତ ମାନର ଉତ୍ପାଦ ପ୍ରଦାନ କରିବାକୁ କମ୍ପାନୀର ଆତ୍ମବିଶ୍ୱାସକୁ ଦର୍ଶାଉଛି।
ଏ ସମ୍ପର୍କରେ ହୋଣ୍ଡା କାର୍ସ ଇଣ୍ଡିଆ ଲିମିଟେଡ୍ର ପ୍ରେସିଡେଣ୍ଟ ଆଣ୍ଡ ସିଇଓ ତାକୁୟା ସୁମୁରା କହିଛନ୍ତି, ଜାପାନରେ ଡବ୍ଲ୍ୟୁଆର୍-ଭି ଭାବେ ‘ମେଡ୍ ଇନ୍ ଇଣ୍ଡିଆ’ଏଲିଭେଟ୍ର ଶୁଭାରମ୍ଭ ଆମ ସମସ୍ତଙ୍କ ପାଇଁ ଗର୍ବର ମୁହୂର୍ତ୍ତ ହୋଇଥିବାବେଳେ ଏହା ହୋଣ୍ଡାର ବିଶ୍ୱ ବ୍ୟବସାୟିକ ରଣନୀତିରେ ଏକ ନୂଆ ଅଧ୍ୟାୟ ଓ ହୋଣ୍ଡା କାର୍ସ ଇଣ୍ଡିଆର ଉତ୍ପାଦନ କ୍ଷମତା ଏବଂ ବଢୁଥିବା ଗୁରୁତ୍ୱକୁ ମଧ୍ୟ ଦୋହରାଇଛି।
ଅଲ୍ ନ୍ୟୁ ହୋଣ୍ଡା ଏଲିଭେଟ୍ ଆମର ବ୍ୟବସାୟର ମୁଖ୍ୟ ସ୍ତମ୍ଭ ପାଲଟିଥିବାବେଳେ ଭାରତୀୟ ବଜାରରେ ମଧ୍ୟ ଏହି ମଡେଲ ବହୁତ ପ୍ରଶଂସିତ ହୋଇଛି। ଆମର ବିଶ୍ୱାସ ଯେ ଆମେ ଏହି ସଫଳତାର ପୁନରାବୃତ୍ତି କରିବାରେ ସକ୍ଷମ ହୋଇପାରିବୁ ଏବଂ ଉତ୍ତମ ଗୁଣବତ୍ତା ଏବଂ କାରିଗରି ଦ୍ୱାରା ଆମର ବିଶ୍ୱସ୍ତରୀୟ ଗ୍ରାହକମାନଙ୍କୁ ସନ୍ତୁଷ୍ଟ କରିପାରିବୁ।
ଗତ ବର୍ଷ ସେପ୍ଟେମ୍ବରରେ ଏଲିଭେଟ୍ ବିଶ୍ୱସ୍ତରରେ ପଦାର୍ପଣ କରିଥିଲା ଏବଂ ପ୍ରଥମ ବଜାର ଭାବେ ଏହି ମଡେଲକୁ ଭାରତରେ ଶୁଭାରମ୍ଭ କରାଯାଇଥିଲା ଏବଂ ଗତ ୬ମାସ ମଧ୍ୟରେ ଏହାର ୩୦,୦୦୦ୟୁନିଟ୍ ବିକ୍ରି ହୋଇଛି।
୨୦୨୩ ଡିସେମ୍ବରରେ ଏହି ମଡେଲକୁ ଜାପାନ ବଜାରରେ ହୋଣ୍ଡା ଡବ୍ଲ୍ୟୁଆର୍-ଭି ନାମରେ ଅନାବରଣ କରାଯାଇଥିଲା ଏବଂ ଏହାର ବୋଲ୍ଡ ଏସ୍ୟୁଭି ଡିଜାଇନକୁ ପସନ୍ଦ କରୁଥିବା ଗ୍ରାହକଙ୍କଠାରୁ ଆକର୍ଷଣୀୟ ପ୍ରତିକ୍ରିୟା ମଧ୍ୟ ମିଳିଥିଲା। ଏଥିରେ ଦୃଢ଼ ସଡ଼କ ଉପସ୍ଥିତି, ଉକତ୍ୃଷ୍ଟ ସ୍ଥାନ ଏବଂ ଆରାମ, ଉନ୍ନତ ନିରାପତ୍ତା ସୁବିଧା ଏବଂ ଭଲ ଭାବେ ନିଯୁକ୍ତ ବୈଶିଷ୍ଟ୍ୟ ରହିଛି। ଏଚ୍ସିଆଇଏଲ୍ ତୁର୍କୀ, ମେକ୍ସିକୋ ଏବଂ ମଧ୍ୟପ୍ରାଚ୍ୟର ବାମ ହାତ ଡ୍ରାଇଭ୍ ବଜାର ଏବଂ ନେପାଳ, ଭୁଟାନ, ଦକ୍ଷିଣ ଆଫ୍ରିକା ଏବଂ ଏସ୍ଏଡିସି ଦେଶଗୁଡ଼ିକର ଡାହାଣ ହାତ ଡ୍ରାଇଭ୍ ବଜାରକୁ ମଡେଲ ରପ୍ତାନି କରୁଛି। ଜାପାନକୁ ହୋଣ୍ଡା ଏଲିଭେଟ୍ ରପ୍ତାନି ଭାରତରୁ ରପ୍ତାନି ବ୍ୟବସାୟରେ ନୂତନ ସଂଯୋଗ ସୃଷ୍ଟି କରିଛି।