ନୂଆଦିଲ୍ଲୀ,୨।୩: ଦେଶର ପ୍ରମୁଖ ଜୀବନ ବୀମା କମ୍ପାନୀ ଏଚ୍ଡିଏଫ୍ସି ଲାଇଫ୍ର ନୂତନ ଉତ୍ପାଦ ‘ଗ୍ୟାରେଣ୍ଟେଡ୍ ଇନ୍କମ୍ ବୀମା ଯୋଜନା’ର ଉନ୍ମୋଚନ ସମ୍ପର୍କରେ ଘୋଷଣା କରାଯାଇଛି। ଉକ୍ତ ଯୋଜନା ଗ୍ୟାରେଣ୍ଟି, ନିୟମିତ ଟିକସମୁକ୍ତ ସୁବିଧା ଏବଂ ସୁନିଶ୍ଚିତ ମୃତ୍ୟୁକାଳୀନ ସୁବିଧା ପ୍ରଦାନ କରୁଛି। ବିଶେଷକରି ଗ୍ରାହକଙ୍କୁ ଏଚ୍ଡିଏଫ୍ସି ଲାଇଫ ନିୟମିତ ଭାବେ ଏଭଳି ଉପତ୍ାଦ ପ୍ରଦାନ କରିବାକୁ ଉଦ୍ୟମ କରୁଛି, ଯାହା ବୀମାଧାରୀଙ୍କ ଜୀବନର ବିଭିନ୍ନ ସ୍ତରର ଆବଶ୍ୟକତା ପୂରଣ କରିବ। ଏପରିକି କମ୍ପାନୀ ଉକ୍ତ ବୀମା ଯୋଜନା ସହ ଗ୍ରାହକମାନଙ୍କୁ ଏକ ଆର୍ଥିକ ପାଣ୍ଠି ଗଠନ କରିବାର ସୁଯୋଗ ପ୍ରଦାନ କରୁଛି, ଯାହା ସେମାନଙ୍କ ପାଇଁ ନିୟମିତ ଓ ସୁନିଶ୍ଚିତ ଆୟ ଜରିଆରେ ସହାୟକ ହେବ।
ଏ ସମ୍ପର୍କରେ ଏଚ୍ଡିଏଫ୍ସି ଲାଇଫ୍ର ମୁଖ୍ୟ-ପ୍ରଡକ୍ଟସ୍ ଆଣ୍ଡ ସେଗ୍ମେଣ୍ଟସ ଅନୀଶ ଖାନ୍ନା କହିଛନ୍ତି, ଏଚ୍ଡିଏଫ୍ସି ଲାଇଫ୍ରେ ଆମେ ଆମ ପଲିସିଧାରକ ଓ ସେମାନଙ୍କ ପ୍ରିୟଜନଙ୍କ ଆର୍ଥିକ ସୁରକ୍ଷାକୁ ନିଶ୍ଚିତ କରିବାକୁ ଲକ୍ଷ୍ୟ ରଖିଛୁ। ଜୀବନ ବୀମା ଏକ ଉପତ୍ାଦ ବର୍ଗ ଭାବେ ସୁରକ୍ଷା ଓ ଦୀର୍ଘସ୍ଥାୟୀ ସଞ୍ଚୟର ଦ୍ୱୈତ ସୁବିଧା ପ୍ରଦାନ କରୁଛି। ଏଚ୍ଡିଏଫ୍ସି ଲାଇଫ୍ ଗ୍ୟାରେଣ୍ଟେଡ୍ ଇନ୍କମ୍ ବୀମା ଯୋଜନା ରିଟର୍ନ ଓ ଅନିଶ୍ଚିତ ଭବିଷ୍ୟତ ସମୟରେ ପଲିସିଧାରକଙ୍କୁ ସୁରକ୍ଷା ପ୍ରଦାନ କରିବାର ଗ୍ୟାରେଣ୍ଟି ଦେଉଛି। ଇନ୍କମ୍ ପେଆଉଟ୍ ପର୍ଯ୍ୟାୟରେ ମଧ୍ୟ ଏହି ପ୍ଲାନ୍ ପ୍ରିମିୟମ୍ ପେମେଣ୍ଟ ଅବଧି ଓ ଜୀବନ ବୀମା ସୁରକ୍ଷା ପ୍ରଦାନ କରୁଛି।