ଅଖରୋଟ୍ ବା ଓ୍ବାଲନଟ୍ ସ୍ବାସ୍ଥ୍ୟ ପାଇଁ ବେଶ୍ ଉପକାରୀ। ତେବେ ଏହା ଶକ୍ତ ହୋଇଥିବାରୁ ଏହାକୁ ଫଟାଇବା ବହୁତ କଷ୍ଟକର। କିଏ ହାତୁଡି ଖୋଜନ୍ତି ତ ଆଉ କିଏ କବାଟର କବ୍ଜା ମଝିରେ ରଖି ଏହାକୁ ଫଟାନ୍ତି। ତେବେ ଜାଣି ଆଶ୍ଚର୍ଯ୍ୟ ହେବେ ଜଣେ ବ୍ୟକ୍ତି ଏହି ଅଖରୋଟ୍କୁ ନିଜ କପାଳରେ ବାଡେଇ ଫଟାଇ ପାରନ୍ତି। ଆଉ ସେ କପାଳରେ ୨୫୪ଟି ଅଖରୋଟ ଫଟାଇ ଗିନିଜ୍ ଓ୍ବାର୍ଲଡ ରେକର୍ଡରେ ସ୍ଥାନ ମଧ୍ୟ ପାଇଛନ୍ତି। ଏହି ବ୍ୟକ୍ତିଙ୍କ ନାମ ହେଉଛି ମହମ୍ମଦ ରଶିଦ୍। ଏହି ରେକର୍ଡ କରିବା ଲାଗି ମହମ୍ମଦଙ୍କ ହାତ ପଛପଟେ ବନ୍ଧା ଯାଇଥିଲା। ଆଉ ତାଙ୍କ ସାମ୍ନାରେ ଏକ ଲମ୍ବା ଟେବୁଲ୍ରେ ଅଖରୋଟ ଧାଡି ଧାଡି ରଖାଯାଇଥିଲା। ସେ ନିଜ କପାଳରେ ସେହିସବୁ ଅଖରୋଟ୍କୁ ଗୋଟିଏ ପରେ ଗୋଟିଏ ଫଟାଇଥିଲେ। ମାତ୍ର ୧ ମିନିଟ୍ରେ ସେ ୨୫୪ଟି ଅଖରୋଟ୍ ଫଟାଇ ପାରିଥିଲେ। ଫଟାଇବା ସମୟରେ ତାଙ୍କ କପାଳରୁ ରକ୍ତ ବି ବୋହିଥିଲା। ତଥାପି ସେ ଅଟକି ନ ଥିଲେ। ଆଉ ରେକର୍ଡ କରିବାରେ ସଫଳ ହେଲେ।