ସେଞ୍ଚୁରିୟନ୍,୧୪।୧୧: ତୃତୀୟ ଟି-୨୦ ମ୍ୟାଚରେ ଭାରତ ଦକ୍ଷିଣ ଆଫ୍ରିକାକୁ ୧୧ ରନରେ ପରାସ୍ତ କରିଛି। ଟିମ ଇଣ୍ଡିଆର ବିଜୟର ସବୁଠାରୁ ବଡ ହିରୋ ଥିଲେ ତିଲକ ବର୍ମା। ସେ ୧୦୭ ରନର ଅପରାଜିତ ଇନିଂସ ଖେଳିଥିଲେ। ବର୍ତ୍ତମାନ ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ ତାଙ୍କ ଦଳର ପ୍ରଦର୍ଶନକୁ ପ୍ରଶଂସା କରିବା ସହିତ ତିଳକଙ୍କ ଶତକ ଇନିଂସର ରହସ୍ୟ ମଧ୍ୟ ପ୍ରକାଶ କରିଛନ୍ତି। ନମ୍ବର-୩ରେ ବ୍ୟାଟିଂ କରିବାକୁ ତିଲକ ତାଙ୍କୁ କିପରି ଅନୁରୋଧ କରିଥିଲେ ତାହା ସୂର୍ଯ୍ୟ କହିଛନ୍ତି।
ତିଲକ ବର୍ମା ତାଙ୍କ ଶତକୀୟ ଇନିଂସ ପାଇଁ ମ୍ୟାନ୍ ଅଫ୍ ଦ ମ୍ୟାଚ୍ ବିବେଚିତ ହୋଇଥିଲେ। ଏହି ମ୍ୟାଚ୍ ବିଜୟ ପରେ ସୂର୍ଯ୍ୟକୁମାର ଯାଦବ ପ୍ରକାଶ କରିଛନ୍ତି ଯେ, ଦ୍ୱିତୀୟ ଟି-୨୦ ମ୍ୟାଚ ପରେ ତିଲକ ମୋ ରୁମକୁ ଆସି କହିଥିଲେ, ମୋତେ ୩ ନମ୍ବରରେ ବ୍ୟାଟିଂ କରିବାର ସୁଯୋଗ ଦିଅ, ମୁଁ ଭଲ କରିବାକୁ ଚାହୁଁଛି। ମୁଁ ଉତ୍ତର ଦେଲି, ଯାଅ ଏବଂ ନିଜକୁ ପ୍ରମାଣ କର, ମୁଁ ତିଳକ ଏବଂ ତାଙ୍କ ପରିବାର ପାଇଁ ଖୁସି ଅଟେ।
ତିଳକ ଏପର୍ଯ୍ୟନ୍ତ ଭାରତ ପାଇଁ ୧୯ ଟି-୨୦ ମ୍ୟାଚରେ ୪୯୬ ରନ ସଂଗ୍ରହ କରିଛନ୍ତି। ତାଙ୍କ ନାମରେ ଗୋଟିଏ ଏବଂ ଦୁଇ ଅର୍ଦ୍ଧଶତକୀୟ ଇନିଂସ ମଧ୍ୟ ରହିଛି।
ତୃତୀୟ ମ୍ୟାଚ ଜିତିବା ପରେ ଟିମ ଇଣ୍ଡିଆ ବର୍ତ୍ତମାନ ଚାରି ମ୍ୟାଚ ବିଶିଷ୍ଟ ଟି-୨୦ ସିରିଜରେ ୨-୧ରେ ଆଗରେ ରହିଛି।