ଆପଣ ସାପୁଆ କେଳା ଏବଂ ସାପ ଖେଳ ବହୁତ ଦେଖିଥିବେ। ମାତ୍ର କେବେ ଦେଖିଛନ୍ତି କି ସାପ ନାକ ଭିତରେ ପୂରାଇ ପାଟି ପଟରେ ବାହାର କରିବାର। ଅଭିନେତା ବିଦ୍ୟୁତ୍ ଜାମଓ୍ବାଲ ଏମିତି ଏକ ଭିଡିଓ ସୋସିଆଲ ମିଡିଆରେ ଶେୟାର କରିଛନ୍ତି, ଯାହା ଖୁବ୍ ଭାଇରାଲ ହେଉଛି। ବିଦ୍ୟୁତ୍ ଭିଡିଓଟିକୁ ତାଙ୍କ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ଯାହାର ହାର୍ଟ ସେତିକି ଷ୍ଟ୍ରଙ୍ଗ୍ ନ ଥିବ ସେ ଏହି ଭିଡିଓ ଦେଖନ୍ତୁ ନାହିଁ।
ସାପକୁ ସମସ୍ତେ ଭୟ କରିଥାନ୍ତି। ମାତ୍ର କଳ୍ପନା କଲେ ଯଦି କେହି ନିଜ ନାକ ଭିତରେ ସାପ ପୂରାଇ ପାଟି ପଟରେ ବାହାର କରନ୍ତି ତେବେ ଆଶ୍ଚର୍ଯ୍ୟ ହେବେ କି ନାହିଁ। ବିଦ୍ୟୁତ୍ଙ୍କ ଦ୍ୱାରା ଶେୟାର ହୋଇଥିବା ଏହି ଭିଡିଓରେ ଜଣେ ବ୍ୟକ୍ତି ସାପଟିକୁ ନାକ ଭିତରେ ପୂରାଇ ପାଟି ପଟେ ବାହାର କରୁଛନ୍ତି। ସାପଟି ମଧ୍ୟ ତାଙ୍କର କୌଣସି କ୍ଷତି କରୁନାହିଁ। ବ୍ୟକ୍ତି ଜଣକ ଅଧା ସାପ ନାକରେ ଆଉ ଅଧା ପାଟିରେ ଏବଂ ଆର ଅଧକ ନିଜ ହାତରେ ଧରିଛନ୍ତି। ଯିଏ ବି ଏହି ଭିଡିଓ ଦେଖିବ ସେ ଡରିଯିବ।
ଏହି ଭିଡିଓରେ ୟୁଜରମାନେ ବେଶ୍ ଭଲ କମେଣ୍ଟ ବି ଦେଇଛନ୍ତି। ଜଣେ ୟୁଜର ଲେଖିଛନ୍ତି, କ’ଣ ଆପଣଙ୍କୁ ଲାଗୁନି ଏହା ଜୀବଙ୍କୁ ନିର୍ଯାତନା ବୋଲି। l ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ପଶୁ ଦୁର୍ବ୍ୟବହାର। ଆଉ ଜଣେ ଲେଖିଛନ୍ତି, ସାପ ଆପଣଙ୍କ ନାକ ଭିତରକୁ ଯିବା ପାଇଁ ଚାହୁଁଥିଲା।