କେନ୍ଦୁଝର, ୧୦।୯ (ସ୍ବ.ପ୍ର.): ଶିକ୍ଷା ବିଭାଗର ବିଚିତ୍ର ବ୍ୟବସ୍ଥା ଯୋଗୁଁ କେନ୍ଦୁଝର ଜିଲାର ୪୦ ପୂର୍ଣ୍ଣ ଅନୁଦାନପ୍ରାପ୍ତ ହାଇସ୍କୁଲରେ ପାଠ ପଢୁଥିବା ୫ ହଜାରରୁ ଊର୍ଦ୍ଧ୍ୱ ଛାତ୍ରୀଛାତ୍ରଙ୍କ ଭବିଷ୍ୟତ ଅନ୍ଧକାରମୟ ହେବାକୁ ବସିଛି ା ଶିକ୍ଷୟତ୍ରୀ, ଶିକ୍ଷକ ଅଭାବରୁ ଏହି ହାଇସ୍କୁଲର ପିଲାମାନେ ପାଠ ପଢିପାରୁ ନାହାନ୍ତି।
ଅନୁଦାନପ୍ରାପ୍ତ ସଦର ବ୍ଲକ ଏସଏମଆର ହାଇସ୍କୁଲରେ ପାଖାପାଖି ୧୫୦ ପିଲା ପଢୁଥିବା ବେଳେ ମାତ୍ର ୨ଜଣ ଶିକ୍ଷକ ଅଛନ୍ତି ା ଶିକ୍ଷକ ଓ କର୍ମଚାରୀ ଅବସର ନେବା ପରେ ଆଉ ପୂରଣ ହେଉନାହିଁ ା ଏହି ହାଇସ୍କୁଲରେ ଅନୁମୋଦିତ ଶିକ୍ଷୟତ୍ରୀ,ଶିକ୍ଷକ ପଦ ୭ ରହିଥିବା ବେଳେ କିରାଣି, ପିଅନ, ଜଗୁଆଳି ଆଦି କର୍ମଚାରୀଙ୍କ ସଂଖ୍ୟା ୫ ରହିଛି। କିନ୍ତୁ ଏବେ ମାତ୍ର ୨ ଜଣ ଶିକ୍ଷକଙ୍କ ଦ୍ୱାରା ଏହି ସ୍କୁଲ ପରିଚାଳିତ ା ଏ ନେଇ ବିଦ୍ୟାଳୟ କମିଟିର ସଭାପତି ଅକ୍ଷୟ କୁମାର ମହାରଣା ଜିଲା ଶିକ୍ଷା ଅଧିକାରୀଙ୍କୁ ଲିଖିତ ଜଣାଇବା ସହିତ କଂପ୍ୟୁଟର ଶିକ୍ଷକ ନିଯୁକ୍ତି ଦେବାକୁ ଦାବି କରିଛନ୍ତି ା ବିଶେଷ କରି ବିଜ୍ଞାନ, ହିନ୍ଦି, ପିଇଟି ଭଳି ଗୁରୁତ୍ୱପୂର୍ଣ ଶିକ୍ଷକ ଅଭାବ ଯୋଗୁଁ ପାଠପଢା ଠପ ହୋଇଯାଇଥିବାରୁ ପିଲା ମାନେ ବାଧ୍ୟହୋଇ ଘରୋଇ ଟ୍ୟୁସନ ଉପରେ ନିର୍ଭର କରୁଛନ୍ତି। ଗରିବ ଶ୍ରେଣୀର ପିଲାମାନେ ଅଧିକ ଅସୁବିଧାର ସମ୍ମୁଖୀନ ହେଉଛନ୍ତି ା ସେହିପରି ତେରୋଣ୍ଟି ଲକ୍ଷ୍ମୀପାଟ ହାଇସ୍କୁଲରେ ୪ ଜଣ, ଖଡିକାପଦା ପଞ୍ଚାୟତ ହାଇସ୍କୁଲରେ ୩ଜଣ, ଶାଳପଡା କ୍ଷେତ୍ରମୋହନ ବିଦ୍ୟାପୀଠରେ ୩ ଜଣ, ଦରଡିପାଳ ଜିପିଏମ ହାଇସ୍କୁଲରେ ୩ ଜଣ, ରେବଣା ପଳାଶପାଳ ହାଇସ୍କୁଲରେ ୩ ଜଣ, ଖୁଣ୍ଟାପଡା ବ୍ରହ୍ମେଶ୍ୱର ହାଇସ୍କୁଲରେ ୩, କୁନ୍ତଳା ଏମକେ ହାଇସ୍କୁଲରେ ୪, ବିରକୁଣ୍ଡି ଶ୍ରମଶକ୍ତି ହାଇସ୍କୁଲରେ ୪ଜଣ ଶିକ୍ଷୟିତ୍ରୀ ଶିକ୍ଷକ ଅଛନ୍ତି। ଏଭଳି ପ୍ରାୟ ସମସ୍ତ ହାଇସ୍କୁଲରେ କାମଚଳା ଶିକ୍ଷକରେ ଶିକ୍ଷାଦାନ ଚାଲିଥିବା ଜଣାପଡିଛି।
ଯେ, ସରକାରଙ୍କ ନୀତିନିୟମ କେବଳ ସରକାରୀ ହାଇସ୍କୁଲ ଗୁଡିକରେ ଲାଗୁ କରାଯାଇ ଶିକ୍ଷାର ମାନଦଣ୍ଡ ବୃଦ୍ଧି କରାଯାଉଛି ା କିନ୍ତୁ ପୂର୍ଣ ଅନୁଦାନପ୍ରାପ୍ତ ହାଇସ୍କୁଲଗୁଡିକର ଶିକ୍ଷାର ମାନଦଣ୍ଡର ବିକାଶ ପାଇଁ ଆଦାୈ ପଦକ୍ଷେପ ଗ୍ରହଣ କରାଯାଉନାହିଁ ା ଫଳରେ ସ୍କୁଲ ଆରମ୍ଭ ହେବା ସମୟରେ ଯେଉଁମାନେ ଯୋଗଦେଇଥିଲେ ସେମାନଙ୍କ ଅବସର ପରେ ଆଉ ନିଯୁକ୍ତି କରାଯାଉନଥିବାରୁ ସେସବୁ ହାଇସ୍କୁଲଗୁଡିକ ଶିକ୍ଷୟତ୍ରୀ ଶିକ୍ଷକଶୂନ୍ୟ ହେବାକୁ ବସିଛି ା ନିଯୁକ୍ତି ହେଉନଥିବାରୁ ଏଭଳି ପରିସ୍ଥିତି ସୃଷ୍ଟି ହୋଇଛି ବୋଲି ଅବସରପ୍ରାପ୍ତ ପ୍ରଧାନଶିକ୍ଷକ ରମେଶ ଚନ୍ଦ୍ର ହୋତା କହିଛନ୍ତି। ଏନେଇ ଜିଲା ଶିକ୍ଷା ଅଧିକାରୀ ପୂର୍ଣଚନ୍ଦ୍ର ସେଠୀ କହିଛନ୍ତି ଯେ ପୂର୍ଣ କ୍ଷମତାପ୍ରାପ୍ତ ହାଇସ୍କୁଲଗୁଡିକରେ ଶିକ୍ଷକ ପଦବୀ ପୂରଣ କରିବା ପାଇଁ ସରକାରଙ୍କ କାୈଣସି ବ୍ୟବସ୍ଥା ନାହିଁ। ସେଭଳି କାୈଣସି ବ୍ୟବସ୍ଥା ହେଲେ ନିଯୁକ୍ତି ଦିଆଯିବ ା ଏହିସବୁ ସ୍କୁଲଗୁଡିକର ଖାଲିଥିବା ଶିକ୍ଷୟତ୍ରୀ ଶିକ୍ଷକଙ୍କ ସୂଚନା ଓ ସମସ୍ୟା ସରକାରଙ୍କୁ ନିୟମିତ ଅବଗତ କରାଯାଉଛି ା ଏଭଳି ସମସ୍ୟା ଜିଲାର ୪୦ଟି ହାଇସ୍କୁଲରେ ଦେଖାଦେଇଥିଲେ ହେଁ ଶିକ୍ଷା ବିଭାଗ ନିଯୁକ୍ତି କରିବା ନେଇ ବ୍ୟବସ୍ଥା କରୁ ନ ଥିବାରୁ ପାଠ ପଢୁଥିବା ୫ ହଜାରରୁ ଊର୍ଦ୍ଧ୍ୱ ଛାତ୍ରୀଛାତ୍ରଙ୍କ ଭବିଷ୍ୟତ ଅନ୍ଧକାରମୟ ହେବାକୁ ବସିଛି ା