ନୂଆଦିଲ୍ଲୀ: ଲୋକେ ନିଜ ପେଟପାଟଣା ପାଇଁ ଅନେକ କିଛି କରୁଥିବା ନଜରକୁ ଆସୁଛନ୍ତି। ତେବେ ଏଠାରେ ଜଣେ ଭିନ୍ନକ୍ଷମ ନିଜକୁ ସକ୍ଷମ କରିବାକୁ ଯାହା କରୁଛନ୍ତି, ସେଥିରେ ସେ ଖୁସିଥିବା କହିଛନ୍ତି। ସେହି ଯୁବକ ଜଣକ ଏକ ଭିନ୍ନ ବ୍ୟାଟେରିଚାଳିତ ହୁଇଲ୍ ଚେୟାରରେ ବସି ଡେଲିଭରି ବୟ୍ ଭାବେ ଅନ୍ୟମାନଙ୍କୁ ଖାଦ୍ୟ ଯୋଗାଉଛନ୍ତି। ଏପରି ଏକ ଭିଡିଓ ବେଶ୍ ଭାଇରାଲ ହେବାରେ ଲାଗିଛି। ସେଥିରେ ଯୁବକ ଜୋମାଟୋର ଏକ ଶାର୍ଟ ପିନ୍ଧିଥିବା ସହ ଜୋମାଟୋ ଖାଇବା ବକ୍ସ ରଖି ତାଙ୍କ ହୁଇଲ୍ ଚେୟାରରେ ଯାଉଥିବାବେଳେ ଜଣେ ବ୍ୟକ୍ତି ତାଙ୍କର ଏହି ଭିଡିଓ କରିଛନ୍ତି। ସେ ତାଙ୍କର ଏହି କାର୍ଯ୍ୟରେ ବହୁତ ଖୁସିଥିବା ଜଣାପଡୁଛନ୍ତି। ତାଙ୍କୁ ଦେଖି ଲୋକେ ଖୁସି ହେଉଥିବା ମଧ୍ୟ ସେ କହିଛନ୍ତି। ତେବେ ଏହି ଭିଡିଓ କେଉଁଠାର ତାହା ଜଣାପଡ଼ିନାହିଁ।