ଭୁବନେଶ୍ୱର,୨୮।୯(ବ୍ୟୁରୋ):ଗହଣା ଦୋକନୀଙ୍କୁ ଚୂନ ଲଗାଇ ଠକୁଥିଲେ ଯୁବକ। ରାଜଧାନୀରେ ସୁନା ଦୋକାନୀଙ୍କୁ ଟ୍ରାଞ୍ଜାକ୍ସନର ଫେକ୍ ସ୍କ୍ରିନଶଟ୍ ଦେଖାଇ ଠକିଥିବା ଜଣେ ଯୁବକଙ୍କୁ କମିଶନରେଟ ପୋଲିସ କୋଲକାତାରୁ ଗିରଫ କରି ମଙ୍ଗଳବାର କୋର୍ଟ ଚାଲାଣ କରିଛି। ସେ ହେଲେ ମୁମ୍ବାଇରେ ରହୁଥିବା ରାଜିବ ପ୍ରଭାସ ଗୁପ୍ତା(୩୭)। ତାଙ୍କଠୁ ୨ ଲକ୍ଷ ଟଙ୍କାର ଚୋରି ଅଳଙ୍କାର ସମେତ ଗୋଟିଏ ମୋବାଇ, ୩ଟି ଏଟିଏମ କାର୍ଡ ଜବତ କରିଛି ପୋଲିସ।
ସୂଚନାନୁସାରେ, ସେପ୍ଟେମ୍ବର ୧୫ରେ ଅଭିଯୁକ୍ତ ରାଜିବ ଭୁବନେଶ୍ୱର ଡିଏନ୍ ରେଙ୍ଗାଲିଆ ମଲ ଭିତରେ ଥିବା ନିମନ୍ତ୍ରଣ ଜୁଏଲର୍ସକୁ ଆସି ଏକ ଲକ୍ଷ ଟଙ୍କାର ଅଳଙ୍କାର କିଣିଥିଲେ। ୧ ଲକ୍ଷ ଟଙ୍କା ସେ ଅନଲାଇନ ଜରିଆରେ ଦେବା ପାଇଁ ଦୋକାନୀଙ୍କୁ କହିଥିଲେ। ସେ ପ୍ରଥମେ କ୍ୟୁଆର୍ କୋର୍ଡ ସ୍କାନ୍ କରି ୧୦ ଟଙ୍କା ପଠାଇଥିଲେ। ଉକ୍ତ ଟ୍ରାଞ୍ଜାକ୍ସନ ସଫଳ ହେବା ପରେ ସେ ଦ୍ୱିତୀୟ ଥର ଏକ ଲକ୍ଷ ଟଙ୍କାର ଏକ ଫେକ୍ ଟ୍ରାଞ୍ଜାକ୍ସନର ସ୍କ୍ରିନଶଟ୍ ଦେଖାଇ ଟଙ୍କା ପଠାଇଦେଇଥିବା କହିଥିଲେ। ହେଲେ ଏକ ଲକ୍ଷ ଟଙ୍କା ବ୍ୟାଙ୍କ ଆକାଉଣ୍ଟକୁ ଆସି ନ ଥିବା ଦୋକାନୀ କହିବାରୁ ସେହି ସମୟରେ ନେଟ୍ ସମସ୍ୟା ପାଇଁ ହୁଏତ ମେସେଜ୍ ଆସୁନାହିଁ, କିଛିସମୟ ପରେ ଟଙ୍କା ଆସିଯିବ ବୋଲି କହି ରାଜିବ ସେଠାରୁ ପଳାଇ ଯାଇଥିଲେ। ପରବର୍ତ୍ତୀ ସମୟରେ ଠକାମୀର ସିକାର ହୋଇଥିବା ଜାଣି ଦୋକାନୀ ତମାଣ୍ଡୋ ଥାନାରେ ଅଭିଯୋଗ କରିବା ପରେ ପାଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା ।