ରାୟଗଡ଼ା ଅଫିସ,୩ା୧: ମାଓବାଦୀଙ୍କ ନାଁରେ ଜଣେ ମିଲ୍ ମାଲିକଙ୍କୁ ଧମକାଇ ବଟି ମାଗିବା ଅଭିଯୋଗରେ ରାୟଗଡ଼ା ଜିଲା କଲ୍ୟାଣସିଂହପୁର ପୋଲିସ ଜଣେ ଯୁବକଙ୍କୁ ସୋମବାର ଗିରଫ କରିଛି। ସେ ହେଲେ ଶେଷଖାଲ ଥାନା ଅନ୍ତର୍ଗତ ମହାବେକାକେଲି ଗ୍ରାମର ଭରତ ବଚେଲି(୩୭)। ଏହି ଘଟଣାରେ ଅନ୍ୟ ଜଣେ ସମ୍ପୃକ୍ତ ଫେରାର ଥିବା ଜଣାପଡ଼ିଛି।
ସୂଚନା ଅନୁଯାୟୀ, ଭରତ କଲ୍ୟାଣସିଂହପୁର ଥାନା ଅଧୀନ ମାଝିଗୁଡ଼ାସ୍ଥିତ ରାଇସ୍ ମିଲ୍ ମାଲିକ ବି. ମାଧବଙ୍କୁ ଡିସେମ୍ବର ୧୪ରୁ ଦେଢ଼ ଲକ୍ଷ ଟଙ୍କା ମାଗି ଆସୁଥିଲେ। ଟଙ୍କା ନ ଦେଲେ ମିଲ୍ରେ ବୋମା ପକାଇଦେବେ ବୋଲି ଧମକ ଦେଉଥିଲେ। ରବିବାର ଏ ନେଇ ମାଧବ କଲ୍ୟାଣସିଂହପୁର ଥାନାରେ ଅଭିଯୋଗ କରିଥିଲେ। ପୋଲିସ ଏକ ମାମଲା ରୁଜୁକରି ଘଟଣାର ତଦନ୍ତ ଚଳାଇଥିଲା। ସୋମବାର ଅଭିଯୁକ୍ତ ଭରତଙ୍କୁ ଗିରଫ କରାଯାଇଥିବା ଏସ୍ଡିପିଓ ଦିବ୍ୟଜ୍ୟୋତି ଦାସ ଏବଂ କଲ୍ୟାଣସିଂହପୁର ଥାନାଧିକାରୀ ସୁକୁମା ହଁାସଦା ସୂଚନା ଦେଇଛନ୍ତି।