କୋରାପୁଟ/ନାରାୟଣପାଟଣା,୧୭।୬(ଅମିତାଭ ବେହେରା): କୋରାପୁଟ ଜିଲା ନାରାୟଣପାଟଣା ବ୍ଲକ ସଲପଗୁଡ଼ା ଗ୍ରାମରେ ସୋମବାର ବର୍ଷା ପବନ ସହ ଘଡଘଡି ହୋଇ ବଜ୍ରପାତ ଘଟିଛି। ବଜ୍ରପାତରେ ଜଣେ ଚାଷୀଙ୍କ ମୃତ୍ୟୁ ଘଟିଛି। ମୃତକ ହେଲେ ଶିବ ମାଣ୍ଡିଙ୍ଗି (୩୫)।
ମିଳିଥିବା ସୂଚନା ମୁତାବକ, ଶିବ ନିଜ ଚାଷ ଜମିରେ କାମ କରୁଥିଲେ। ସେତିକିବେଳେ ବର୍ଷା ପବନ ସହ ଘଡଘଡି ହୋଇ ବଜ୍ରପାତ ଘଟିଥିଲା। ବଜ୍ରପାତରେ ଶିବଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ଖବର ପାଇ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇ ପଠାଇଥିଲା। ଶିବଙ୍କୁ ହରାଇ ପରିବାର ଲୋକେ ଅସହାୟ ହୋଇପଡିଥିବା ବେଳେ ତାଙ୍କର ତିନୋଟି ସନ୍ତାନ ଥିବା ସୂଚନା ମିଳିଛି।