ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ପୁସ୍ତକ ତଥା ଚାଣକ୍ୟନୀତିରେ ମନୁଷ୍ୟର ଜୀବନକୁ ସରଳ ଏବଂ ସଫଳ କରିବା ଲାଗି ଅନେକ ବିଷୟ ଉଲ୍ଲେଖ କରିଛନ୍ତି। ସେ କୁହନ୍ତି, ୭ ଜନ୍ମ ପାଇଁ ସ୍ବାମୀ-ସ୍ତ୍ରୀ ଯୋଡି ହୁଅନ୍ତି। ସ୍ବାମୀସ୍ତ୍ରୀଙ୍କ ସମ୍ପର୍କ ଭଲ କି ଖରାପ ହେବ କି ନାହିଁ ସେନେଇ ଚାରିପାଖରେ ଥିବା ଶକ୍ତି ମଧ୍ୟ ଏକ ପ୍ରମୁଖ ଭୂମିକା ଗ୍ରହଣ କରିଥାଏ। ଯେକୌଣସି ଦିନକୁ ସଫଳ ଏବଂ ଉପଭୋଗ୍ୟ କରିବା ପାଇଁ ସକାଳ ସମୟ ବହୁତ ଗୁରୁତ୍ୱପୂର୍ଣ୍ଣ। ଚାଣକ୍ୟଙ୍କ ଅନୁଯାୟୀ, ଯଦି ଜଣେ ମହିଳା ସକାଳୁ ଉଠି ସ୍ବାମୀଙ୍କ ସହ କିଛି ବିଶେଷ କାର୍ଯ୍ୟ କରନ୍ତି, ତେବେ ତାଙ୍କର ସମ୍ପର୍କ ଅତ୍ୟନ୍ତ ମଧୁର ହୋଇଯାଏ। ଯେପରିକି:
ଯୋଗ
ଯଦି ସ୍ବାମୀ-ସ୍ତ୍ରୀ ସକାଳେ ଏକାଠି ଯୋଗ କରନ୍ତି, ତେବେ ଦୁହେଁ ଫିଟ୍ ରହିବେ ଏବଂ ସେମାନଙ୍କର ମନ ମଧ୍ୟ ଶାନ୍ତ ରହିବ। ଏହା ମଧ୍ୟ ସକରାତ୍ମକ ଶକ୍ତି ସୃଷ୍ଟି କରିଥାଏ। ଫଳରେ ଦମ୍ପତିଙ୍କ ମଧ୍ୟରେ କୌଣସି ଝଗଡ଼ା ହୋଇ ନ ଥାଏ। ଏହି କାରଣରୁ, ଉଭୟଙ୍କ ଦିନଚର୍ଯ୍ୟା ଭଲରେ କଟିଥାଏ।
ପ୍ରେମ
ଯଦି ସ୍ବାମୀ-ସ୍ତ୍ରୀ ଦିନର ଆରମ୍ଭ ପ୍ରେମରୁ କରନ୍ତି, ତେବେ ସେମାନଙ୍କ ମନ ଦିନତମାମ ସତେଜ ରହିଥାଏ। ଉତ୍ସାହ ଯୋଗୁ କାମ କରିବାକୁ ଅଧିକ ଶକ୍ତି ମିଳିଥାଏ। ଏଥିଯୋଗୁ ଉଭୟଙ୍କ ମଧ୍ୟରେ ପ୍ରେମ ଏବଂ ବିଶ୍ୱାସ ରଖେ। ଏଣୁ ସ୍ବାମୀ-ସ୍ତ୍ରୀ ସକାଳେ ଉଠି ପରସ୍ପରକୁ ସ୍ନେହ କରିବା ଆବଶ୍ୟକ। ଜଣେ ଅନ୍ୟଜଣକୁ ଆଲିଙ୍ଗନ କରିବା ଉଚିତ।
ପୂଜାପାଠ:
ସକାଳେ, ଭଗବାନଙ୍କ ଆଶୀର୍ବାଦ ନେଇ ଦିନ ଆରମ୍ଭ କରିବା ଭଲ। ଏହା ଆପଣଙ୍କ ଶରୀରରେ ଏକ ସକରାତ୍ମକ ଶକ୍ତି ମଧ୍ୟ ପ୍ରବାହିତ କରେ। ତେଣୁ, ସ୍ବାମୀଙ୍କ ସହିତ ପୂଜା କରିବା କିମ୍ବା ହାତଯୋଡ଼ି ପ୍ର୍ରଣାମ କରିନେବା ଭଲ।
ତୁଳସୀ ଗଛରେ ପାଣି:
ସକାଳେ ଗାଧୋଇବା ପରେ ଯଦି ସ୍ବାମୀ ଏବଂ ସ୍ତ୍ରୀ ଏକାଠି ତୁଳସୀ ମାତାଙ୍କୁ ପାଣି ଦିଅନ୍ତି, ତେବେ ସେମାନଙ୍କ ଦାମ୍ପତ୍ୟ ଜୀବନ ଭଲରେ କଟିଥାଏ। ବୈବାହିକ ଜୀବନରେ ସେମାନଙ୍କର କୌଣସି ଅସୁବିଧା ହୋଇ ନ ଥାଏ।