ଟଙ୍କା ଏମିତି ଏକ ଜିନିଷ ଯାହା ପ୍ରତ୍ୟେକ ଲୋକଙ୍କର ଆବଶ୍ୟକତା ପଡ଼ିଥାଏ। ଟଙ୍କା ନାହିଁ ତ କିଛି ନାହିଁ। ଅତି ଦରକାର ସମୟରେ ଯଦି ଟଙ୍କା ମିଳିଗଲା ତେବେ ଖୁସି କହିଲେ ନ ସରେ। ଏବେ ଏହି ଟଙ୍କାକୁ ନେଇ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଜଣେ ଯୁବତୀ ଏଟିଏମ୍ ମେଶିନରୁ ଟଙ୍କା ବାହାରିବା ବେଳେ ଖୁସିରେ ନାଚି ଉଠୁଛନ୍ତି।
‘ghanta’ନାମକ ଏକ ଇନଷ୍ଟାଗ୍ରାମ୍ ଆଇଡିରେ ଏହି ଭିଡିଓଟି ଶେୟାର କରାଯାଇଛି। ଯାହାକୁ ବର୍ତ୍ତମାନ ସୁଦ୍ଧା ୩୪ ଲକ୍ଷରୁ ଅଧିକ ଲୋକ ଦେଖିସାରିଲେଣି।
ଭାଇରାଲ ଭିଡିଓରେ ଯୁବତୀ ଜଣକ ଏଟିଏମ ମେଶିନ୍ରେ ଏଟିଏମ୍ କାର୍ଡ ଭରିବା ପରେ ଏଥିରୁ ଯେମିତି ଟଙ୍କା ବାହାରୁଛି ତାହା ଦେଖି ସେ ଖୁବ୍ ଜୋର୍ରେ ନାଚୁଥିବା ଦେଖିବାକୁ ମିଳିଛି।
ଏଟିଏମ୍ରେ ଲାଗିଥିବା ସିସିଟିଭି ଫୁଟେଜରେ ଯୁବତୀଙ୍କର ଏହି ଡ୍ୟାନ୍ସ କଏଦ ହୋଇଛି। ଭିଡିଓଟି ଭାଇରାଲ ହେବା ପରେ ୟୁଜର୍ସମାନେ ହସି ହସି ବେଦମ ହୋଇଯାଉଛନ୍ତି। ଜଣେ ୟୁଜର କହିଛନ୍ତି, ମୋର ବି ଟଙ୍କା ଦରକାର। ସେହିପରି ଅନ୍ୟ ଜଣେ ୟୁଜର କହିଛନ୍ତି, ଖୁସି ହେବ ତ ଏମିତି।