କିଭ୍, ୨୧ା୪: ରୁଷିଆ ସହ ଲଢ଼େଇ ଜାରି ରଖିଥିବା ୟୁକ୍ରେନ୍ ପ୍ରତି ସମର୍ଥନ ଜଣାଇବା ପାଇଁ ୟୁରୋପୀୟ ସଂଘ(ଇୟୁ) ପରିଷଦ ମୁଖ୍ୟ ଚାର୍ଲସ ମାଇକେଲ ବୁଧବାର ଅଚାନକ କିଭ୍ ଗସ୍ତ କରିଛନ୍ତି। ଏ ବାବଦରେ ଚାର୍ଲସ ଏକ ଟୁଇଟ୍ ଯୋଗେ ସୂଚନା ଦେଇଛନ୍ତି। ସେ ୟୁକ୍ରେନ୍ର ଧ୍ୱସ୍ତବିଧ୍ୱସ୍ତ ବୋରୋଡିଆଙ୍କା ମଧ୍ୟ ବୁଲି ଦେଖିଛନ୍ତି। ରୁଷିଆ କରିଥିବା ଯୁଦ୍ଧ ଅପରାଧ ପାଇଁ ୟୁକ୍ରେନ୍କୁ ନ୍ୟାୟ ମିଳିବା ଜରୁରୀ। ୟୁକେନରେ ରୁଷିଆର ବର୍ବରତା ଓ ଯୁଦ୍ଧ ଅପରାଧକୁ ଇତିହାସ ସବୁଦିନ ପାଇଁ ମନେ ରଖିବ। ନ୍ୟାୟରହିତ ପୃଥିବୀରେ ଶାନ୍ତି ସ୍ଥାପନ ହୋଇପାରିବ ନାହିଁ ବୋଲି ଚାର୍ଲସ ଟୁଇଟ୍ରେ ଲେଖିଛନ୍ତି। କିଭ୍ରୁ ରୁଷିଆ ସୈନ୍ୟ ଫେରିବା ପରେ ସେଠାରୁ ୧,୨୦୦ ମୃତଦେହ ମିଳିଲାଣି।