ଏମିତି ଅନେକ ଲୋକ ଅଛନ୍ତି ଯେଉଁମାନେ ଅଜବ ଅଜବ କାମ କରି ଓ୍ବାର୍ଲଡ ରେକର୍ଡ କରୁଛନ୍ତି। ଆମେରିକାର ଜଣେ ବ୍ୟକ୍ତି ବି ସେମିତି କିଛି ଅଜବ କାମ କରି ସାରା ପୃଥିବୀରେ ପରିଚିତ ହୋଇପାରିଛନ୍ତି। ଜେମି କିଟନ ନାମକ ଏହି ବ୍ୟକ୍ତି ଜଣକ ବିନା ଅଠାରେ ମୁଣ୍ଡରେ ୧୦ଟି କୋକ୍ କ୍ୟାନ୍ ଲଗାଇ ଉକ୍ତ ରେକର୍ଡ କରିଛନ୍ତି। ଭାବୁଥିବେ ଅଠା ବ୍ୟବହାର ନ କରି ମୁଣ୍ଡରେ କ୍ୟାନଗୁଡିକ ଲାଖିକି ରହିଲା କେମିତି? ତେବେ ଜେମି ଏଥିପାଇଁ ଏୟାର ସକ୍ସନ ପଦ୍ଧତି ବ୍ୟବହାର କରିଛନ୍ତି। ଅର୍ଥାତ୍ ଯଦି ଆପଣ ଏକ ଖାଲି ଗ୍ଲାସ୍ର ମୁହଁକୁ ପାଟିରେ ରଖି ପବନ ଟାଣିବେ ଦେଖିବେ ଗ୍ଲାସ୍ଟି ଆପଣଙ୍କ ପାଟିରେ ଲାଖିକି ରହିଯିବ। ଏହି ପଦ୍ଧତି ଦ୍ୱାରା ସେ ମୁ୍ଣ୍ଡରେ ୧୦ଟି କ୍ୟାନ ୫ ସେକେଣ୍ଡ ପର୍ଯ୍ୟନ୍ତ ଲଗାଇ ରଖିଥିଲେ। ଆଉ ରେକର୍ଡ କରିବାରେ ସମର୍ଥ ହେଲେ।