ଦଶରଥପୁର,୨୦।୭(ଡି.ଏନ୍.ଏ.): ମଧ୍ୟାହ୍ନ ଭୋଜନ ଚାଉଳ ହଡ଼ପ କରି ପ୍ରଧାନ ଶିକ୍ଷକ ନିଲମ୍ବିତ। ଏଭଳି ଘଟଣା ଘଟିଛି ଯାଜପୁର ଜିଲା ଦଶରଥପୁର ବ୍ଲକରେ। କୁଅଁରପୁର ନୋଡାଲ ସ୍କୁଲର ପ୍ରଧାନ ଶିକ୍ଷକ ସଞ୍ଜୟ ନାୟକଙ୍କୁ ନିଲମ୍ବିତ କରାଯାଇଛି। ଦଶରଥପୁର ବ୍ଲକ ମଣ୍ଡଳ ଶିକ୍ଷା ଅଧିକାରୀ କିଶୋର କୁମାର ମଲ୍ଲିକ ପ୍ରଧାନ ଶିକ୍ଷକଙ୍କୁ ନିଲମ୍ବିତ କରିଛନ୍ତି ।
ମଧାହ୍ନ ଭୋଜନ ସହ ପିଲାଙ୍କ ପାଇଁ ଆସୁଥିବା ଡ୍ରେସ, ଜୋତା ବାବଦକୁ ଆସୁଥିବା ଟଙ୍କା ହରିଲୁଟ କରିଥିବା ତାଙ୍କ ନାଁରେ ଅଭିଯୋଗ ହୋଇଥିଲା । ପରେ ଏବିଓ ଘଟଣାର ତଦନ୍ତ କରିଥିଲେ । ପାଖାପାଖି ତିନି ଲକ୍ଷ ଟଙ୍କାର ମିଡ-ଡେ ମିଲ ଚାଉଳ ଘୋଟାଲା ହୋଇଥିବା ଦଦନ୍ତରୁ ଜଣାପଡିଥିଲା । ଏ ସମ୍ପର୍କରେ ପ୍ରଧାନ ଶିକ୍ଷଙ୍କୁ ପଚରା ଯାଇଥିଲେ ମଧ୍ୟ କୌଣସି ଉତ୍ତର ଦେଇପାରି ନ ଥିଲେ । ପରେ ଏହାର ଉଚ୍ଚସ୍ତରୀୟ ତଦନ୍ତ କରାଯାଇଥିଲା । ପରେ ମଧ୍ୟାହ୍ନ ଭୋଜନ ଚାଉଳ ହଡ଼ପ ଘଟଣା ସ୍ପଷ୍ଟ ହୋଇଥଲା । ଏ ନେଇ ପ୍ରଧାନ ନାୟକଙ୍କୁ ନିଲମ୍ବିତ କରାଯାଇଛି ।