![](https://www.dharitri.com/wp-content/uploads/2024/07/ସ୍ମୃତିଙ୍କୁ-ନେଇ-ରାହୁଲ୍_-କହିଲେ.-12.png)
ନୂଆଦିଲ୍ଲୀ, ୧୩।୦୭: ଦେଶର ରାଜଧାନୀ ଦିଲ୍ଲୀର ନୋଏଡ଼ା ଏବଂ ଏହାର ଆଖପାଖ ଅଞ୍ଚଳରେ ଆଜି ସକାଳୁ ସକାଳୁ ପ୍ରବଳ ବର୍ଷା ହୋଇଛି । ଦିଲ୍ଲୀ ଏନ୍ସିଆରର ବାସିନ୍ଦା ଗରମରୁ କିଛିଟା ଆରାମ ପାଇଛନ୍ତି । ବର୍ଷା ସହିତ ଉକ୍ତ ଅଞ୍ଚଳରେ ଥଣ୍ଡା ପବନ ମଧ୍ୟ ହୋଇଛି । କିଛି ସ୍ଥାନରେ ବର୍ଷା ପାଣି ଜମି ରହିଥିବା ବେଳେ ରାଜରାସ୍ତାରେ ପାଣି ଜମି ରହିବା ଫଳରେ ଯାନବାହନ ଯିବା ଆସିବାରେ ଅସୁବିଧା ହେଉଥିବା ଜଣାପଡ଼ିଛି।
ସୂଚନା ଥାଉକି ପାଣିପାଗ ବିଭାଗ ରାଜଧାନୀରେ ବର୍ଷା ହେବା ନେଇ ଚେତାବନୀ ଜାରି କରିଥିଲା । ଉତ୍ତର ଦିଲ୍ଲୀ, ଉତ୍ତର-ପୂର୍ବ ଦିଲ୍ଲୀ, ମଧ୍ୟ ଦିଲ୍ଲୀ, ନୂଆ ଦିଲ୍ଲୀ, ଦକ୍ଷିଣ ଦିଲ୍ଲୀ, ଦକ୍ଷିଣ ପୂର୍ବ ଦିଲ୍ଲୀ, ପୂର୍ବ ଦିଲ୍ଲୀ, ଏନ୍ସିଆର ଗାଜିଆବାଦ, ନୋଏଡା, ଦାଦରା, ଗ୍ରେଟର ନୋଏଡା ଆଦି ସ୍ଥାନରେ ବର୍ଷା ନେଇ ସମ୍ଭାବନା ଥିବା ପାଣିପାଗ ବିଭାଗ କହିଥିଲା ।