ଓ୍ବାଶିଂଟନ,୨୩ା୨: ଆମେରିକାର ଅନେକ ସ୍ଥାନରେ ପ୍ରବଳ ତୁଷାରପାତ ହୋଇଛି। ଏହି କାରଣରୁ ବିମାନ ଉଡ଼ାଣ ବାତିଲ ହୋଇଛି। ଏହା ବ୍ୟତୀତ ସଡ଼କ ପରିବହନ ମଧ୍ୟ ବ୍ୟାହତ ହୋଇଛି। ତୁଷାର ଝଡ଼ ଯୋଗୁ ଡ୍ରାଇଭରମାନେ କାର୍ରେ ଅଟକି ରହିଯାଇଛନ୍ତି। ହଜାର ହଜାର ଲୋକ ବିଦ୍ୟୁତ୍କାଟ୍ର ବି ସମ୍ମୁଖୀନ ହୋଇଛନ୍ତି। ଦଶନ୍ଧି ମଧ୍ୟରେ ସାଉଥ କାଲିଫର୍ନିଆରେ ଏହା ସବୁଠାରୁ ଭୟଙ୍କର ଝଡ଼। ଏହି ଜଟିଳ ପରିସ୍ଥିତିରୁ ଆଗାମୀ କିଛିଦିନ ମୁକୁଳିବା ସମ୍ଭବ ନୁହେଁ।
ଥଣ୍ଡା ପାଗ ଆରମ୍ଭ ହେବା ସହିତ ଉତ୍ତର ଆମେରିକାରେ ଘୂର୍ଣ୍ଣିବଳୟ ସୃଷ୍ଟି ହୋଇଥିଲା। ବିଦ୍ୟାଳୟ, କାର୍ଯ୍ୟାଳୟ, ବିଧାନସଭା ମଧ୍ୟ ବନ୍ଦ ରହିଛି। ଖରାପ ପାଗ ଯୋଗୁ ଆମେରିକାରେ ୧୬୦୦ରୁ ଅଧିକ ବିମାନ ବାତିଲ କରାଯାଇଛି। ଏହା ବ୍ୟତୀତ ସମଗ୍ର ଦେଶରେ ୫୦୦୦ରୁ ଅଧିକ ବିମାନ ବିଳମ୍ବ ହୋଇଛି।