ସୋସିଆଲ ମିଡିଆରେ ଏକ ଭିଡିଓ ଏବେ ଭାଇରାଲ ହେଉଛି। ଭିଡିଓରେ ଦେଖିବେ ଜଣେ ବ୍ୟକ୍ତି ପ୍ରଥମେ ହେଲିକପ୍ଟରକୁ ରାସ୍ତାକୁ ଆଣୁଛନ୍ତି। ଏହା ପରେ ସେ ଏହାକୁ ରାସ୍ତାରେ ଚଳାଇବା ପରେ ଆକାଶରେ ଉଡ଼ାଉଛନ୍ତି।
ଏହି ହେଲିକପ୍ଟରଟି ଭୋଲସ୍ଓ୍ବାଗନ ବିଟଲ ଇଞ୍ଜିନରୁ ପ୍ରସ୍ତୁତ କରାଯାଇଛି। କ୍ୟାପଶନରେ ଦର୍ଶାଯାଇଛି, କାରର ଅବଶିଷ୍ଟ ଅଂଶରୁ ହେଲିକପ୍ଟର ତିଆରି ହୋଇଛି। ପରେ ହେଲିକପ୍ଟରଟି ଆକାଶରେ ଉଡୁଥିବା ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।
ସୋସିଆଲ ମିଡିଆରେ ପୋଷ୍ଟ ହୋଇଥିବା ଏହି ଭିଡିଓକୁ ଲୋକମାନେ ଖୁବ୍ ପସନ୍ଦ କରୁଛନ୍ତ। ଭିଡିଓଟିକୁ ବର୍ତ୍ତମାନ ସୁଦ୍ଧା ୭ଲକ୍ଷରୁ ଅଧିକ ଲୋକ ଦେଖିସାରିଲେଣି। ଏହା ସହିତ, ଲୋକମାନେ ଏହି ଭିଡିଓରେ ସେମାନଙ୍କର ପ୍ରତିକ୍ରିୟାକୁ ମଧ୍ୟ ଦେଇଛନ୍ତ। ଭିଡିଓ ଦେଖିବା ପରେ ଜଣେ ୟୁଜର ଲେଖିଛନ୍ତି, ପ୍ରତ୍ୟେକ ବ୍ୟକ୍ତି ଯାହା ସ୍ବପ୍ନ ଦେଖନ୍ତି ତାହା କରିପାରନ୍ତି। ସେହି ଅନ୍ୟ ଜଣେ ୟୁଜର ଲେଖିଛନ୍ତି, ଯଦି ଆପଣଙ୍କର ପ୍ରତିଭା ଅଛି, ତେବେ ସୁଯୋଗକୁ ହାତଛଡ଼ା କରନ୍ତୁ ନାହିଁ।
ଏହି ଭିଡିଓ ’@MendesOnca’ ନାମକ ଏକ ଆକାଉଣ୍ଟ ସହିତ ଶେୟାର କରାଯାଇଛି। ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଅଧିକ ଲୋକପ୍ରିୟ ହେଉଛି।
