ଆଲିଗଡ଼,୪।୧୧: କରଓ୍ବା ଚୌଥ୍ରେ ବିବାହିତା ମହିଳାମାନେ ସ୍ବାମୀଙ୍କ ସୁରକ୍ଷା ଏବଂ ଦୀର୍ଘ ନିରାମୟ ଜୀବନ କାମନା କରି ବ୍ରତ ରଖିଥାନ୍ତି। ଉତ୍ତରପ୍ରଦେଶ ଆଲିଗଡ଼ରେ ଏହି ବ୍ରତ ପାଳନ ସମୟରେ ସ୍ଥାନୀୟ ସରାୟ ମାନସିଂ ଅଞ୍ଚଳରେ ପ୍ରେରଣା ମାହେଶ୍ୱରୀ ନାମକ ମହିଳା ତାଙ୍କ ସ୍ବାମୀ ପ୍ରବୀଣ ମାହେଶ୍ୱରୀଙ୍କୁ ସୁରକ୍ଷା ପାଇଁ ଉପହାରରେ ହେଲମେଟ୍ ଦେବା ସହିତ ଏହାକୁ ପିନ୍ଧାଇ ଦେଇଛନ୍ତି। ଏହା ସହିତ ରାସ୍ତାରେ ଗଲାବେଳେ ଟ୍ରାଫିକ୍ ନିୟମ ପାଳନ କରିବାକୁ ପରାମର୍ଶ ଦେଇଛନ୍ତି। ଏବେ ଏହାର ଫଟୋ ସୋସିଆଲ୍ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି। ସରାୟଙ୍କ ଭଳି କରଓ୍ବା ଚୌଥ୍ ବ୍ରତ କରିଥିବା ସହରର ଅନ୍ୟ କେତେକ ମହିଳା ମଧ୍ୟ ଏଭଳି କରିଛନ୍ତି। ସରାୟ ମାନସିଂ ଅଞ୍ଚଳର ଶାଳିନୀ ଶର୍ମା ତାଙ୍କ ସ୍ବାମୀ ଶିବଦତ୍ତ ଶର୍ମାଙ୍କୁ ରାସ୍ତାରେ ଗାଡ଼ି ଚଳାଇବା ବେଳେ ସତର୍କ ରହିବାକୁ ପରାମର୍ଶ ଦେଇଛନ୍ତି। ସେହିପରି ସରାୟ ଖିରନିରେ ଶ୍ୱେତା ଭୁତଡ଼ା ତାଙ୍କ ସ୍ବାମୀ ଗର୍ବିତ ଭୁତଡ଼ାଙ୍କୁ ମଧ୍ୟ ଏଭଳି ସୁରକ୍ଷା ସମ୍ପର୍କରେ ସଚେତନ କରାଇଛନ୍ତି। କୁଳଦୀପ୍ ବିହାରର ନୂତନ ଶର୍ମା ତାଙ୍କ ସ୍ବାମୀ ଅମିତ ଶର୍ମାଙ୍କୁ ପରିବାରର ସୁରକ୍ଷା ପାଇଁ ଟ୍ରାଫିକ୍ ନିୟମ ପାଳନ କରିବାକୁ ଶପଥ ପାଠ କରାଇଛନ୍ତି।