ଜମନକିରା,୭ା୧୦(ଡି.ଏନ.ଏ.): ଜମନକିରା ବ୍ଲକ୍ କୁଚିଣ୍ଡା ଥାନା ଅଧୀନ କେନାଢ଼ିପା ନିକଟ ରାସ୍ତାରେ ବସ୍ରୁ ଖସିପଡି ହେଲପରଙ୍କ ମୃତ୍ୟୁ ଘଟିଛି। ସେ ହେଲେ ଅନୁଗୋଳ ଜିଲା ଛେଣ୍ଡିପଦା ଥାନ ଅଞ୍ଚଳର ସଞ୍ଜୟ ବେହେରା(୨୬)।
ସୂଚନା ଅନୁଯାୟୀ ଝାରସୁୁଗୁଡ଼ାରୁ ପାଟମେଶ୍ୱରୀ (ଓଡ଼ି୧୫ଏଫ୍-୯୫୧୨) ନାମକ ଏକ ଘରୋଇ ବସ୍ ଜମନକିରା ଆସୁଥିଲା। କେନାଢ଼ିପା ନିକଟ ବୁଲାଣି ରାସ୍ତାରେ ହେଲପର ସଞ୍ଜୟ ଗାଡି ଗେଟ ପାଖରେ ଥିବା ବେଳେ ହଠାତ୍ ଛିଟିକି ପଡ଼ି ବସ୍ ପଛ ଚକ୍ ତଳେ ଚାପି ହୋଇଯାଇଥିଲେ। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଅନ୍ୟପକ୍ଷେ ବସ୍ଟି ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡ଼ିଥିଲା। ଦୁର୍ଘଟଣା ପରେ ଚାଳକ ଓ କଣ୍ଡକ୍ଟର ଫେରାର ହୋଇଯାଇଥିଲେ। ଏଥିରେ ବସ୍ ଯାତ୍ରୀଙ୍କ କୌଣସି କ୍ଷତି ହୋଇନାହିଁ। କୁଚିଣ୍ଡା ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା। ଗୁରୁବାର ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ଏ ନେଇ କୁଚିଣ୍ଡା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି।