ଶେଷରେ ୪ କୋଟି ଜନସଂଖ୍ୟା ବିଶିଷ୍ଟ ଆଫଗାନିସ୍ତାନ ତାଲିବାନ ଅଧୀନରେ ଆସିଛି। ଏଭଳି ସମୟରେ ବଲିଉଡ ସେଲିବ୍ରିଟି ସେଠାକାର ଦୁର୍ଦ୍ଦଶା ଦେଖି ଦୁଃଖ ପ୍ରକାଶ କରିଛନ୍ତି। ଆଫଗାନିସ୍ତାନରେ ଅନେକ ବଲିଉଡ ଚଳଚ୍ଚିତ୍ରର ଶୁଟିଂ କରାଯାଇଛି, କିନ୍ତୁ ହିନ୍ଦୀ ସିନେମା ଇତିହାସରେ ଫିରୋଜ ଖାନ ପ୍ରଥମ ଅଭିନେତା-ନିର୍ମାତା ଯିଏକି ବଲିଉଡକୁ କାବୁଲ ପର୍ଯ୍ୟନ୍ତ ନେଇଥିଲେ। ଫିରୋଜ ଖାନ ତାଙ୍କ ଚଳଚ୍ଚିତ୍ର ‘ଧର୍ମତ୍ମା’ରେ ହେମାମାଳିନୀଙ୍କ ସୌନ୍ଦର୍ଯ୍ୟକୁ ଚର୍ଚ୍ଚା ହୋଇଥିଲା। ୧୯୭୪ରେ ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିର ଭେଟେରାନ ଅଭିନେତ୍ରୀ ହେମାଙ୍କ ଉପରେ ଶୁଟିଂ ହୋଇଥିବା ‘କ୍ୟା ଖୁବ ଲଗତି ହୋ’ ଗୀତ ଆଜି ମଧ୍ୟ ଲୋକପ୍ରିୟ ଅଟେ। ହେମା ଏହି ସମୟରେ ଆଫଗାନିସ୍ତାନର ଅବସ୍ଥା ଦେଖି ଚିନ୍ତିତ ହୋଇପଡିଛନ୍ତି, ସେ ଟୁଇଟ୍ କରି ପୁରୁଣା ଦିନଗୁଡ଼ିକୁ ମନେ ପକାଇଛନ୍ତି। ସେ କୁହନ୍ତି- ‘ସେଠାରେ କ’ଣ ଘଟୁଛି ଦେଖିବା ଅତ୍ୟନ୍ତ ଦୁଃଖଦାୟକ ଏବଂ ଦେଶ ଛାଡି ପଳାଇବାକୁ ଚେଷ୍ଟା କରୁଥିବା ଲୋକଙ୍କୁ ଦେଖିବା ଅତ୍ୟନ୍ତ କଷ୍ଟଦାୟକ। ଜନତା ପାଗଳ ପରି ବିମାନବନ୍ଦରରେ ପହଞ୍ଚୁଛନ୍ତି, ଯାହା ଭୟାନକ ଅଟେ।
କାବୁଲରେ ଶୁଟିଂ ହୋଇଥିବା ‘ଧର୍ମତ୍ମା’ ପ୍ରଥମ ଥ୍ରୀଲର ଚଳଚ୍ଚିତ୍ର ଥିଲା। ଫିଲ୍ମରେ ଫିରୋଜ ଖାନ ଜଣେ ଗ୍ୟାଙ୍ଗଷ୍ଟର ଭୂମିକାରେ ଅଭିନୟ କରିଥିଲେ। ହେମାମାଳିନୀ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିଲେ। ଫଇଲ୍ମର ଶୁଟିଂ ଦେଖିବା ପାଇଁ ଆଫଗାନିସ୍ତାନର ବହୁ ଲୋକ କାବୁଲର ଇଣ୍ଟରକଣ୍ଟିନେଣ୍ଟାଲ ହୋଟେଲ ବାହାରେ ଏକାଠି ହୋଇଥିଲେ। ପୁରୁଣା ଦିନଗୁଡ଼ିକୁ ମନେ ପକାଇ ହେମାମାଳିନୀ କୁହନ୍ତି ଯେ ‘ମୁଁ ଜାଣିଥିବା କାବୁଲ ବହୁତ ସୁନ୍ଦର ଥିଲା ଏବଂ ମୋର ଅଭିଜ୍ଞତା ମଧ୍ୟ ବହୁତ ଭଲ ଥିଲା। ଯେତେବେଳେ ଆମେ କାବୁଲ ବିମାନବନ୍ଦରରେ ଅବତରଣ କଲୁ ଯାହା ସେହି ସମୟରେ ମୁମ୍ବାଇ ବିମାନବନ୍ଦର ସହିତ ସମାନ ଥିଲା। ଆମେ ନିକଟସ୍ଥ ଏକ ହୋଟେଲରେ ରହିଲୁ । ପୁରୁଣା ଦିନଗୁଡ଼ିକୁ ମନେ ପକାଇ ହେମା ମାଳିନୀ କହିଛନ୍ତି ଯେ ଆଫଗାନିସ୍ତାନ ଯାତ୍ରା କରିବାରେ ଭୟ ନ ଥିଲା। ସେତେବେଳେ କୌଣସି ଅସୁବିଧା ନଥିଲା, ସେଠାରେ ବହୁତ ଶାନ୍ତି ଥିଲା। ତାଲିବାନ କଣ କରିବାକୁ ଯାଉଛି ମୁଁ ଜାଣେ ନାହିଁ। ସେହି ଦେଶର ଲୋକଙ୍କ ସହିତ କ’ଣ ହେବ? ଅନ୍ୟ ଦେଶ ତୁରନ୍ତ ସାହାଯ୍ୟ ପାଇଁ ଆଗକୁ ଆସିବା ଉଚିତ ବୋଲି ହେବା କହିଛନ୍ତି।