ମୁମ୍ବାଇ: ବଲିଉଡର ଭେଟେରାନ ଅଭିନେତା ଧର୍ମେନ୍ଦ୍ର ଆଜି ତାଙ୍କର ୮୭ତମ ଜନ୍ମଦିନ ପାଳନ କରୁଛନ୍ତି। ତାଙ୍କ ଜନ୍ମଦିନରେ ବି-ଟାଉନ୍ର ସମସ୍ତ ସେଲିବ୍ରିଟିମାନେ ସୋସିଆଲ ମିଡିଆରେ ତାଙ୍କୁ ଶୁଭେଚ୍ଛା ଜଣାଉଛନ୍ତି। କିମ୍ବଦନ୍ତୀ ଅଭିନେତା ଭାରତୀୟ ସିନେମାକୁ ଅନେକ ହିଟ୍ ଚଳଚ୍ଚିତ୍ର ଦେଇଛନ୍ତି। ଅଭିନେତ୍ରୀ ହେମା ମାଳିନୀ ମଧ୍ୟ ସ୍ବାମୀ ଧର୍ମେନ୍ଦ୍ରଙ୍କୁ ଜନ୍ମଦିନରେ ଏକ ବିଶେଷ ଢଙ୍ଗରେ ଶୁଭେଚ୍ଛା ଜଣାଇଛନ୍ତି। ହେମା ମାଳିନୀ ତାଙ୍କ ଅଫିସିଆଲ ଟୁଇଟ୍ର ହ୍ୟାଣ୍ଡେଲରେ ଏକ ସୁନ୍ଦର ପୋଷ୍ଟ ଶେୟାର କରିଛନ୍ତି। କ୍ୟାପଶନ ଲେଖିଛନ୍ତି, ଆଜି ତାଙ୍କ ଜନ୍ମଦିନରେ ପ୍ରିୟ ଧରାମ ଜୀଙ୍କ ସ୍ବାସ୍ଥ୍ୟ ପାଇଁ ପ୍ରାର୍ଥନା କରୁଛି। ସେ ସବୁବେଳେ ଖୁସି ଏବଂ ଆନନ୍ଦରେ ରୁହନ୍ତୁ। ତାଙ୍କର ସୁସ୍ଥ ଜୀବନ ପାଇଁ କାମନା କରୁଛି। ମୋର ପ୍ରାର୍ଥନା ଆଜି ଏବଂ ମୋ ଜୀବନର ପ୍ରତ୍ୟେକ ଦିନ ତାଙ୍କ ସହିତ ରହିବ। ହାପି ବାର୍ଥଡେ ମାଇ ଲଭ୍।
