ସରଣ୍ଡା,୯ା୪(ଡି.ଏନ୍.ଏ.): ବରଗଡ଼ ଜିଲା ଅତାବିରା ଥାନା ଲୁରୁପାଲି ଗ୍ରାମରେ ଶନିବାର ହେମବନ୍ତୀ ମହାପାତ୍ର ନାମକ ଜଣେ ମହିଳା ବିଷ ପିଇ ଆତ୍ମହତ୍ୟା କରିଛନ୍ତି। ସ୍ବାମୀ ରତ୍ନାକରଙ୍କ ଯୌତୁକ ନିର୍ଯାତନା ସହି ନ ପାରି ସେ ବିଷ ପିଇ ଦେଇଥିବା ହେମବନ୍ତୀଙ୍କ ଭାଇ ଖଗେଶ୍ୱର ଅତାବିରା ଥାନାରେ ଏତଲା ଦେଇଛନ୍ତି। ତାଙ୍କ ଏତଲାକୁ ଭିତ୍ତିକରି ଅତାବିରା ପୋଲିସ ୧୨୨/୨୨ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି।
ପ୍ରକାଶ ଯେ, ସରଳା ଗ୍ରାମର ରାତ୍ର ମହାପାତ୍ରଙ୍କ ଝିଅ ହେମବନ୍ତୀ ଅଢ଼େଇ ବର୍ଷ ତଳେ ଲୁରୁପାଲି ନିବାସୀ ଲଳିତ ମହାପାତ୍ରଙ୍କ ପୁଅ ରତ୍ନାକରଙ୍କୁ ବିବାହ କରିଥିଲେ। ବିବାହ ସମୟରେ କନ୍ୟାପକ୍ଷ ସକ୍ଷମ ଅନୁଯାୟୀ ଝିଅଜ୍ୱାଇଁଙ୍କୁ ଉପହାର ଦେଇଥିଲେ। ମାତ୍ର ବିବାହ ପରେ ରତ୍ନାକର ଏକ ମୋଟରସାଇକେଲ ଦାବି କରି ହେମବନ୍ତୀଙ୍କୁ ନିର୍ଯାତନା ଦେଇ ଆସୁଥିବା ଅଭିଯୋଗ ହୋଇଛି। ନିର୍ଯାତନା ଅସହ୍ୟ ହେବାରୁ ହେମବନ୍ତୀ ଶୁକ୍ରବାର ପୂର୍ବାହ୍ନରେ ବିଷ ପିଇ ଦେଇଥିଲେ, ମାତ୍ର ତାଙ୍କୁ ରାତି ୯ଟାରେ ଖବର ଦିଆଯାଇଥିଲା ବୋଲି ଖଗେଶ୍ୱର ଅଭିଯୋଗ କରିଛନ୍ତି । ଖବର ପାଇ କନ୍ୟାପକ୍ଷ ଲୋକେ ବୁର୍ଲା ଡାକ୍ତରଖାନାରେ ପହଞ୍ଚିଥିଲେ। ତେବ ଶନିବାର ଭୋର୍ରୁ ହେମବନ୍ତୀଙ୍କ ମୃତ୍ୟୁ ହୋଇ ଯାଇଥିବା ସେ କହିଛନ୍ତି। ସେଠାରେ ମୃତଦେହ ବ୍ୟବଚ୍ଛେଦ ହୋଇଥିଲା। ମୃତଦେହକୁ ଲୁରୁପାଲି ଆଣି ଦାହ କରାଯାଇଛି।
