![](https://www.dharitri.com/wp-content/uploads/2024/01/vuideo.jpg)
ସାପଙ୍କ ମଧ୍ୟରେ ସବୁଠାରୁ ଭୟଙ୍କର ଶିକାରୀ ହେଉଛି ‘ଅଜଗର’। ବଡ଼ ବଡ଼ ପ୍ରାଣୀ ଏହାଠାରୁ ଦୂରେଇ ରହିଥାନ୍ତି। କାରଣ ଏହା କେବଳ ଦଶଂନ କରେ ନାହିଁ, ଗିଳିଦିଏ ମଧ୍ୟ। ହେଲେ ଏହି ବିଶାଳକାୟ ଜୀବ ଉପରେ ଛୋଟ ଶିକାରୀ ଆକ୍ରମଣ କରେ ତେବେ କ’ଣ ହେବ ଥରେ ଭାବନ୍ତୁ ତ। ଏଭଳି ଏକ ଚକିତ କଲାଭଳି ଭିଡିଓ ଏବେ ଭାଇରାଲ ହେଉଛି। ଭିଡିଓରେ ନେଉଳ ପଲ ଅଜଗର ଉପରେ ଆକ୍ରମଣ କରୁଥିବା ଦେଖାଯାଉଛି।
ଭିଡିଓରେ ଦେଖିବେ, ଏକ ଅଜଗର ନିଜ ରାସ୍ତାରେ ଯାଉଥିବା ବେଳେ ନେଉଳ ସହ ମୁହାଁମୁହିଁ ହେଉଛି। ପ୍ରଥମରେ ନେଉଳକୁ ସେ ଗିଳିବାକୁ ଚେଷ୍ଟା କରୁଛି। ହେଲେ ପରେ ଗୋଟିଏ ପରେ ଗୋଟିଏ ନେଉଳ ସେଠାରେ ପହଞ୍ଚିଯାଉଛନ୍ତି। ଏହାଦେଖି ଅଜଗରଟି ସେଠାରୁ ଖସି ପଳାଇବାକୁ ଚେଷ୍ଟା କରୁଛି। ହେଲେ ନେଉଳ ପଲ ତା ଉପରେ ଆକ୍ରମଣ କରୁଛନ୍ତି। କିଛି ସମୟ ପରେ ସେମାନେ ଅଜଗରକୁ ଜୀବନରେ ମାରି ଦେଇଥିବା ସ୍ପଷ୍ଟ ହେଉଛି।