ବିବାହ ସବୁ ଝିଅଙ୍କ ଜୀବନର ଏକ ବିଶେଷ ମୁହୂର୍ତ୍ତ। ଏହି ସମୟକୁ ସେମାନେ ଅପେକ୍ଷା କରି ରହିଥାନ୍ତି। ବଲିଉଡ୍ ଅଭିନେତା ଶାହିଦ କପୁରଙ୍କ ସ୍ତ୍ରୀ ମୀରା ରାଜପୁତଙ୍କ କ୍ଷେତ୍ରରେ ଘଟିଥିଲା ଏକ ଅଜବ ସଂଯୋଗ। ମୀରା ମାତ୍ର ୭ ଘଣ୍ଟାର ସାକ୍ଷାତ ପରେ ଶାହିଦଙ୍କୁ ବିବାହ କରିବାର ନିଷ୍ପତ୍ତି ନେଇଥିଲେ। ଏବେ ସେ ଶାହିଦଙ୍କ ସହ ସୁଖୀ ଦାମ୍ପତ୍ୟ ଜୀବନ ବିତାଉଛନ୍ତି।
ତେବେ ମୀରା ନିଜ ଇନ୍ଷ୍ଟାଗ୍ରାମ୍ରେ ଏକ ମଜାଳିଆ ପୋଷ୍ଟ ଶେୟାର କରିଛନ୍ତି। ସେ ଲେଖିଛନ୍ତି, ଆପଣ ଯେଉଁଠାରେ ବିବାହ କରିବାକୁ ଯାଉଛନ୍ତି, ସେ ଘର ଆପଣଙ୍କ ପାଇଁ କେତେ ସୁରକ୍ଷିତ ତାହା ଉପରେ ନିଶ୍ଚୟ ବିଚାର କରନ୍ତୁ। ତାଙ୍କ ହିସାବରେ ବିବାହ ପୂର୍ବରୁ ୫ଟି କଥା ପ୍ରତି ବିଶେଷ ଧ୍ୟାନ ହେବା ଉଚିତ୍। ଜାଣିବା ସେ ବିଷୟରେ…
୧. ବିବାହ ପୂର୍ବରୁ ଭାବି ସ୍ବାମୀଙ୍କ ସହ କଥା ହେବା ଆବଶ୍ୟକ। ତେବେ ଏହି ସମୟରେ ସେମାନଙ୍କ ପୂର୍ବତନ ପ୍ରେମିକା ବିଷୟରେ ପ୍ରଶ୍ନ କରିବା ଅନୁଚିତ। କାରଣ ଏପରି କଲେ ସୁଖୀ ଦାମ୍ପତ୍ୟ ଜୀବନ ଆରମ୍ଭ ହେବା ପୂର୍ବରୁ ସେଥିରେ ପୂର୍ଣ୍ଣଚ୍ଛେଦ ପଡ଼ିଯିବ।
୨. ନିର୍ବଦ୍ଧରୁ ବିବାହ ପର୍ଯ୍ୟନ୍ତ ସମୟ ସବୁଠାରୁ ସ୍ବତନ୍ତ୍ର। ଏହି ସମୟରେ ଭାବି ସ୍ବାମୀଙ୍କଠାରୁ କିଛି ଡିମାଣ୍ଡ କରିବା ଉଚିତ ନୁହେଁ।
୩. ବିବାହ ପୂର୍ବରୁ ପୁଅ ଓ ଝିଅ ଘର ମଧ୍ୟରେ ସବୁବେଳେ ଯିବାଆସିବା ଲାଗି ରହିଥାଏ। ତେଣୁ ଏହି ସମୟରେ ଶାଶୁଘର ଲୋକଙ୍କ ପ୍ରକୃତି ବିଷୟରେ ବୁଝିବାକୁ ଚେଷ୍ଟା କରନ୍ତୁ। ସେମାନଙ୍କ ପସନ୍ଦ, ନାପସନ୍ଦକୁ ଜାଣନ୍ତୁ।
୪. ପୁଅକୁ ବୁଝିବା ପାଇଁ ବିବାହ ପୂର୍ବରୁ ଏକ କାଜୁଆଲ ସାକ୍ଷାତକାର ରଖନ୍ତୁ।
୫. ସର୍ବପ୍ରଥମେ ପୁଅର ଭଉଣୀ ସହ ଭଲ ସମ୍ପର୍କ ରଖିବା ଆବଶ୍ୟକ। କାରଣ ନଣଦ-ଭାଉଜ ସମ୍ପର୍କ ଭଲ ରହିଲେ ପରିବାରରେ ସମସ୍ତଙ୍କ ସହ ଭଲ ସମ୍ପର୍କ ରହିପାରିବ।