ବମ୍ବେ: ଷ୍ଟାରକିଡ୍ ସାରା ଅଲି ଖାନ୍, ଅନନ୍ୟା ପାଣ୍ଡେ ଏବଂ ଜାନଭୀ କପୁର ଭାରତୀୟ ଚଳଚ୍ଚିତ୍ର ଜଗତରେ ନାମ କମାଇସାରିଲେଣି। ପ୍ରଶଂସକମାନେ ଏବେ ବଲିଉଡରେ ସୁହାନା ଖାନ୍, ଇବ୍ରାହିମ ଅଲି ଖାନ୍, ଖୁସି କପୁର ଏବଂ ଆର୍ୟନ ଖାନ୍ଙ୍କ ଡେବ୍ୟୁକୁ ଅପେକ୍ଷା କରି ରହିଛନ୍ତି। ଅଭିନୟରେ ଏମାନେ ପାରଦର୍ଶୀ, କିନ୍ତୁ ଆପଣ ଜାଣନ୍ତି କି ଏହି ଷ୍ଟାର ପିଲାମାନେ କେତେ ଶିକ୍ଷିତ? ଯଦି ନା ତେବେ ଆସନ୍ତୁ ଜାଣିବା….
-ସାରା ଅଲି ଖାନ୍: ସାରା ନିଜର ଅଦ୍ଭୁତ ଅଭିନୟ ଦକ୍ଷତାରେ କୋଟି କୋଟି ଦର୍ଶକଙ୍କ ହୃଦୟ ଜିତିଛନ୍ତି। ଶିକ୍ଷାଗତ ଯୋଗ୍ୟତା ଦେଖିଲେ ସେ ମୁମ୍ବାଇର ବେସାଣ୍ଟ ମୋଣ୍ଟେସୋରି ସ୍କୁଲରୁ ପାଠପଢ଼ା ଶେଷ କରିଥିଲେ। ପରେ ସେ ନ୍ୟୁୟର୍କର କଲମ୍ବିଆ ବିଶ୍ୱବିଦ୍ୟାଳୟରୁ ଇତିହାସ ଏବଂ ରାଜନୈତିକ ବିଜ୍ଞାନରେ ସ୍ନାତକ ହାସଲ କରିଥିଲେ।
-ଜାନଭି କପୁର: ବୋନି କପୁର ଏବଂ ସ୍ବର୍ଗତ ଅଭିନେତ୍ରୀ ଶ୍ରୀଦେବୀଙ୍କ ବଡ଼ ଝିଅ ହେଉଛନ୍ତି ଜାନଭି। ସେ ଧୀରୁବାଇ ଅମ୍ବାନୀ ଇଣ୍ଟରନ୍ୟାସନାଲ ସ୍କୁଲରୁ ପାଠ ପଢ଼ିଛନ୍ତି। ଅଭିନୟକୁ ଆସିବାକୁ ଚାହୁଁଥିବାରୁ ସେ ଲସ୍ ଏଞ୍ଜେଲ୍ସର ଲି ଷ୍ଟ୍ରାସବର୍ଗ ଥିଏଟର ଏବଂ ଫିଲ୍ମ ଇନ୍ଷ୍ଟିଚ୍ୟୁଟ୍ରେ ପଢ଼ିବାକୁ ଯାଇଥିଲେ।
-ଅନନ୍ୟା ପାଣ୍ଡେ: ଜାନଭୀଙ୍କ ପରି ଅନନ୍ୟା ପାଣ୍ଡେ ମଧ୍ୟ ଧୀରୁବାଇ ଅମ୍ବାନୀ ଇଣ୍ଟରନ୍ୟାଶନାଲ ସ୍କୁଲରୁ ତାଙ୍କର ପ୍ରାଥମିକ ଶିକ୍ଷା ସମାପ୍ତ କରିଛନ୍ତି। ଏହା ପରେ ସେ ଲସ ଆଞ୍ଜେଲ୍ସର ସାଉଥ କାଲିଫର୍ନିଆ ବିଶ୍ୱବିଦ୍ୟାଳୟକୁ ଯାଇ ତାଙ୍କର ଅଧିକ ଅଧ୍ୟୟନ ସମାପ୍ତ କରିଛନ୍ତି।
-ଆର୍ୟନ ଖାନ: ଶାହାରୁଖ ଖାନଙ୍କ ପୁଅ ଆର୍ୟନ ଲଣ୍ଡନର ସେଭେନୋକ୍ସ ହାଇସ୍କୁଲରୁ ଉଚ୍ଚ ବିଦ୍ୟାଳୟ ପାଠପଢ଼ା ସମାପ୍ତ କରିଥିଲେ। ଏହା ପରେ ସେ ସାଉଥ କାଲିଫର୍ଣ୍ଣିଆ ବିଶ୍ୱବିଦ୍ୟାଳୟକୁ ଯାଇଥିଲେ।
-ଖୁସି କପୁର: ଜାନଭୀ କପୁରଙ୍କ ସାନ ଭଉଣୀ ଖୁସି ମଧ୍ୟ ଧୀରବାଇ ଅମ୍ବାନୀ ଇଣ୍ଟରନ୍ୟାଶନାଲ ସ୍କୁଲରୁ ତାଙ୍କର ପ୍ରାଥମିକ ଶିକ୍ଷା ସମାପ୍ତ କରିଥିଲେ। ଏହା ପରେ ସେ ନ୍ୟୁୟର୍କ ଚଳଚ୍ଚିତ୍ର ଏକାଡେମୀରେ ପଢ଼ିବାକୁ ଯାଇଥିଲେ।
-ସୁହାନା ଖାନ: ଶାହରୁଖ ଖାନଙ୍କ ଝଅ ସୁହାନା ଖାନ ମଧ୍ୟ ଧୀରୁବାଇ ଅମ୍ବାନୀ ଇଣ୍ଟରନ୍ୟାସନାଲ ସ୍କୁଲରୁ ତାଙ୍କର ପ୍ରାଥମିକ ଅଧ୍ୟୟନ ସମାପ୍ତ କରିଛନ୍ତି। ସେ ନ୍ୟୁୟର୍କ ୟୁନିଭରସିଟିର ଟିଶ ସ୍କୁଲ ଅଫ ଆର୍ଟରେ ପଢ଼ୁଛନ୍ତି।
-ଇବ୍ରାହିମ ଅଲି ଖାନ: ଅଭିନେତା ସୈଫ ଅଲି ଖାନ ଏବଂ ଅମୃତା ସିଂଙ୍କ ପୁଅ ଇବ୍ରାହିମ ଅଲି ଖାନ ମଧ୍ୟ ଧୀରୁବାଇ ଅମ୍ବାନୀ ଅନ୍ତର୍ଜାତୀୟ ବିଦ୍ୟାଳୟରୁ ତାଙ୍କର ପ୍ରାଥମିକ ଅଧ୍ୟୟନ ସମାପ୍ତ କରିଛନ୍ତି। ଏହା ପରେ ସେ ଲଣ୍ଡନର ଏକ ବୋର୍ଡିଂ ସ୍କୁଲରେ ଅଧ୍ୟୟନ କରିବାକୁ ଯାଇଥିଲେ।
-ନବ୍ୟା ନବେଲି ନନ୍ଦା: ଅମିତାଭ ବଚ୍ଚନଙ୍କ ନାତୁଣୀ ନବ୍ୟା ନବେଲି ନନ୍ଦା ମଧ୍ୟ ଲଣ୍ଡନର ସେଭେନୋକ୍ସ ସ୍କୁଲରୁ ତାଙ୍କର ପ୍ରାଥମିକ ଅଧ୍ୟୟନ ସମାପ୍ତ କରିଛନ୍ତି। ସେ ୨୦୨୦ ମସିହାରେ ଫୋର୍ଡହମ ବିଶ୍ୱବିଦ୍ୟାଳୟରୁ ସ୍ନାତକ ହାସଲ କରିଥିଲେ।