ସାରା ବିଶ୍ୱରେ ଟିମ ଇଣ୍ଡିଆର ଅଧିନାୟକ ବିରାଟ କୋହଲିଙ୍କ ପ୍ରଶଂସକ ଅଛନ୍ତି। ଏକ ସମୟ ଥିଲା ଯେ ବିରାଟଙ୍କ ପାଇଁ କେବଳ ଦେଶ ନୁହେଁ ବିଦେଶରୁ ମଧ୍ୟ ବିବାହ ପ୍ରସ୍ତାବ ଆସୁଥିଲା। କିନ୍ତୁ ସେ ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କୁ ପ୍ରେମ କରି ପରେ ବିବାହ କରିଥିଲେ। ୨୦୧୪ରେ ଇଂଲଣ୍ଡର କିମ୍ବଦନ୍ତୀ ମହିଳା କ୍ରିକେଟର ଡାନିଏଲ ଓ୍ବାଟ୍ ସୋସିଆଲ ମିଡିଆରେ ବିରାଟଙ୍କୁ ବିବାହ କରିବାକୁ ପ୍ରସ୍ତାବ ଦେଇଥିଲେ।
କପିଲ ଶର୍ମାଙ୍କ ଟିଭି ସୋ’ରେ ବିରାଟ ଖୋଲାଖୋଲି ଭାବେ ଏ ବିଷୟରେ କହିଥିଲେ। ବିରାଟ ‘କମେଡି ନାଇଟ୍ସ ସହିତ କପିଲ’ରେ ଅତିଥି ଭାବରେ ଯାଇଥିଲେ ଏବଂ ଏହି ସମୟରେ ତାଙ୍କୁ କପିଲ ଶର୍ମାଙ୍କ ଦ୍ୱାରା ଏକ ଫଟୋ ଦେଖାଯାଇଥିଲା। ଏହି ଫଟୋରେ ବିରାଟ ଏବେ ଡାନିଏଲ୍ଙ୍କୁ ଦେଖିବାକୁ ମିଳିଥିଲା। ଏହା ଉପରେ କପିଲ ହସି ହସି ବିରାଟଙ୍କୁ ଏକ ପ୍ରଶ୍ନ ପଚାରିଥିଲେ। ବିରାଟ ଟିକେ ଲାଜେଇ ହସି ହସି କହିଥିଲେ, ଏହା ବାଂଲାଦେଶରେ ଚାଲିଥିବା ଟି -୨୦ ବିଶ୍ୱକପ (୨୦୧୪) ସମୟରେ ହୋଇଥିଲା। ଆମେ ଟି-୨୦ ବିଶ୍ୱକପରେ ଖେଳୁଥିଲୁ ଏବଂ ସେମିଫାଇନାଲ ମ୍ୟାଚ ପରେ ସେ (ଡାନିଏଲ୍) ଟୁଇଟ୍ କରି ମୋତେ ବିବାହ ପସ୍ତାବ ଦେଇଥିଲେ। ପରଦିନ ମୁଁ ଏହା ବିଷୟରେ ଜାଣିଲି। ପରେ ଆମେ ଅଭ୍ୟାସରେ ବ୍ୟସ୍ତ ହେଲୁ। ଏବିଷୟରେ ଆଉ ଧ୍ୟାନ ଦେଲି ନାହିଁ। ପରେ ମୁଁ ଜାଣିବାକୁ ପାଇଲି ଯେ ମୋ ମା’ ଏକ ସାକ୍ଷାତକାରରେ କହିଥିଲେ ଯେ, ବିରାଟଙ୍କ ଏପର୍ଯ୍ୟନ୍ତ ବିବାହ ବୟସ ହୋଇନାହିଁ। ମା’ ଘରୁ ମନା କରିଦେଇଥିଲେ। ମୁଁ କିଛି କହିବାର ସୁଯୋଗ ମଧ୍ୟ ପାଇଲି ନାହିଁ। ସେ ଏପରି କହିବାବେଳେ ହସିବାକୁ ଲାଗିଲେ।
ଅନ୍ତର୍ଜାତୀୟ କ୍ୟାରିୟରରେ ଏପର୍ଯ୍ୟନ୍ତ ୭୦ ଶତକ ହାସଲ କରିଥିବା ଷ୍ଟାର ବ୍ୟାଟ୍ସମ୍ୟାନ ବିରାଟ ୨୦୧୭ରେ ଅନୁଷ୍କାଙ୍କୁ ବିବାହ କରିଥିଲେ। ତେବେ ୨୦୧୩ ରେ ଏକ ବିଜ୍ଞାପନ ଶୁଟିଂ ସମୟରେ ଦୁହେଁ ପ୍ରଥମେ ସାକ୍ଷାତ ହୋଇଥିଲେ। ଏବେ ଉଭୟଙ୍କର ଭାମିକା ନାମକ ଏକ ଝିଅ ଅଛି। ଭାମିକା ଚଳିତ ବର୍ଷ ଜାନୁଆରୀରେ ଜନ୍ମଗ୍ରହଣ କରିଥିଲେ।
