ନୂଆଦିଲ୍ଲୀ,୬।୬: ଦେଶର ପ୍ରମୁଖ ଦୁଇଚକିଆ ଯାନ ନିର୍ମାତା ହିରୋ ମୋଟୋକର୍ପ ୨୦୨୩ ମେ ମାସରେ ୫,୧୯, ୪୭୪ ୟୁନିଟ୍ ମୋଟର ସାଇକେଲ ବିକ୍ରି କରିଛି। ଏପରିକି ୨୦୨୨ ମେ’ ମାସ ତୁଳନାରେ କମ୍ପାନୀର ବିକ୍ରି ଅଭିବୃଦ୍ଧି ୭% ରହିଛି। ଉଲ୍ଲେଖଯୋଗ୍ୟ, ୨୦୨୨ ମେ’ ରେ କମ୍ପାନୀ ୪,୮୬, ୭୦୪ ୟୁନିଟ୍ ବିକ୍ରି କରିଥିଲା ବେଳେ ୨୦୨୩ ସମାନ ଅବଧିରେ କମ୍ପାନୀ ୫,୧୯, ୪୭୪ ୟୁନିଟ୍ ବିକ୍ରି କରିଛି। ସେହିଭଳି ଆଗାମୀ ଦିନଗୁଡ଼ିକରେ ମଧ୍ୟ କମ୍ପାନୀ ତା’ର ବିକ୍ରି ଅଭିବୃଦ୍ଧିରେ ଉନ୍ନତି ଆଣିବା ସହ ଭଲ କାରବାର କରିବ ବୋଲି ଆକଳନ କରିଛି। ବିଶେଷ କରି ଗ୍ରାହକଙ୍କ ମନୋଭାବରେ ଉନ୍ନତି, ଉନ୍ନତ ମୌସୁମୀ ଏବଂ ପ୍ରିମିୟମ ସେଗ୍ମେଣ୍ଟରେ ନୂଆ ଯାନର ବଜାର ପ୍ରବେଶ ହେବାକୁ ଥିବାବେଳେ ହିରୋର ବିକ୍ରି ଅଭିବୃଦ୍ଧିରେ ନୂତନ ମଡେଲ ବେଶ୍ ଯୋଗଦାନ ରଖିବ ବୋଲି କମ୍ପାନୀ ପକ୍ଷରୁ ଆଶା କରାଯାଇଛି। ଅପରପକ୍ଷରେ ୨୦୨୩ ମେ ମାସରେ କମ୍ପାନୀର ଘରୋଇ ବିକ୍ରି ୫,୦୮,୩୦୯ ରହିଥିବା ବେଳେ ୨୦୨୨ ସମାନ ଅବଧି ମଧ୍ୟରେ ୪,୬୬,୪୬୬ ୟୁନିଟ୍ ବିକ୍ରି କରିଥିଲା। ସେହିପରି ଏହି ଅବଧି ମଧ୍ୟରେ କମ୍ପାନୀ ୧୧,୧୬୫ ୟୁନିଟ୍ ରପ୍ତାନି କରିଥିବାବେଳେ ୨୦୨୨ ମେ‘ରେ ୨୦,୨୩୮ ୟୁନିଟ୍ ରପ୍ତାନି କରିଥିଲା।