ଭଦ୍ରକ ଅଫିସ, ୧୫।୨: ଦେଶର ପ୍ରମୁଖ ମୋଟରସାଇକେଲ ଏବଂ ସ୍କୁଟର ନିର୍ମାତା ହିରୋ ମୋଟୋକର୍ପର ପ୍ରିମିୟମ ମଡେଲ ‘ଜୁମ୍’ର ସର୍ବଭାରତୀୟ ଉନ୍ମୋଚନ ନିକଟରେ ହୋଇଯାଇଛି। ଏପରିକି ସ୍କୁଟର ବର୍ଗରେ ପରବର୍ତ୍ତୀ ଜ୍ଞାନକୌଶଳକୁ ପରିବର୍ଦ୍ଧିତ କରିବା ଲାଗି କମ୍ପାନୀ ତା’ର ନୂଆ ୧୧୦ ସିସି ଜୁମ୍ ସ୍କୁଟରର ବଜାର ପ୍ରବେଶ କରାଇଛି। ଏହି ପରିପ୍ରେକ୍ଷୀରେ ହିରୋର ସ୍ବୀକୃତିପ୍ରାପ୍ତ ଡିଲର ସଞ୍ଜୀବ ହିରୋ ପକ୍ଷରୁ ମଙ୍ଗଳବାର ଏହାର ଅନାବରଣ କରାଯାଇଛି। ଏହି ଅବସରରେ କମ୍ପାନୀର ଜୋନାଲ ମ୍ୟାନେଜର ବି. ସ୍ବାମୀନାଥନ, ଏରିଆ ମ୍ୟାନେଜର ହର୍ଷବର୍ଦ୍ଧନ ସିଂ ଏବଂ ସଞ୍ଜୀବ ହିରୋର ପ୍ରୋପ୍ରାଇଟର ପ୍ରୀତିରଞ୍ଜନ ଜେନା ପ୍ରମୁଖ ଉପସ୍ଥିତ ଥିଲେ। ସେହିଭଳି ସ୍କୁଟର ଇଣ୍ଡଷ୍ଟ୍ରିରେ ପ୍ରଥମ ଥର ପାଇଁ କର୍ନର ବେଣ୍ଡ ଲାଇଟ୍ ସହ ଇଣ୍ଟେଲଜେଣ୍ଟ କର୍ନରିଂ ଲାଇଟକୁ ଏଥିରେ ଅନ୍ତର୍ଭୁକ୍ତ କରାଯାଇଛି। ଏହା ବିଶେଷକରି ୩ଟି ଭାରିଆଣ୍ଟ ଏବଂ ୫ଟି ସ୍ପୋର୍ଟିଂ ରଙ୍ଗରେ ଉପଲବ୍ଧ ବୋଲି ସଞ୍ଜୀବ ହିରୋର ଜେନେରାଲ ମ୍ୟାନେଜର ସୁଶାନ୍ତ କୁମାର ସାହୁ ମତପ୍ରକାଶ କରିଛନ୍ତି। ସୂଚନାଯୋଗ୍ୟ ଏହି ଅବସରରେ ୭ଜଣ ସ୍ଥାନୀୟ ଗ୍ରାହକଙ୍କୁ ଉକ୍ତ ମଡେଲ୍ ପ୍ରଦାନ କରାଯାଇଥିଲା।