ନୂଆଦିଲ୍ଲୀ,୭।୪: ଦେଶର ପ୍ରମୁଖ ଦୁଇଚକିଆ ଯାନ ନିର୍ମାତା ହିରୋ ମୋଟୋକର୍ପ ପକ୍ଷରୁ ଏକ ଅଭିନବ ଯୋଜନା ସମ୍ପର୍କରେ ଘୋଷଣା କରାଯାଇଛି। ବିଶେଷକରି କମ୍ପାନୀର କର୍ମଚାରୀଙ୍କ ଲାଗି ଭଲ୍ୟୁଣ୍ଟାରି ରିଟାୟାରମେଣ୍ଟ ସ୍କିମ୍ (ଭିଆର୍ଏସ୍)ର ଶୁଭାରମ୍ଭ କରାଯାଇଛି। ଏପରିକି କମ୍ପାନୀକୁ ଆଗାମୀ ପିଢ଼ି ପାଇଁ ପ୍ରସ୍ତୁତ କରିବା ଲାଗି ଏଭଳି ଏକ ଅଭିନବ ଯୋଜନାର ଶୁଭାରମ୍ଭ କରାଯାଇଥିବା ହିରୋ ମୋଟୋକର୍ପ ପକ୍ଷରୁ କୁହାଯାଇଛି। ସେହିଭଳି ଉକ୍ତ ଯୋଜନା କମ୍ପାନୀର ସବୁ ବର୍ଗର କର୍ମଚାରୀଙ୍କ ପାଇଁ ପ୍ରଯୁଜ୍ୟ ହୋଇଥିବା ବେଳେ ଯେଉଁ କର୍ମଚାରୀ ଚାହିଁବେ ଉକ୍ତ ଯୋଜନାର ଲାଭ ନେଇ ପାରିବେ ବୋଲି କମ୍ପାନୀ ପକ୍ଷରୁ ଘୋଷଣା କରାଯାଯାଇଛି। ଏପରିକି ଯେଉଁ କର୍ମଚାରୀ ଉକ୍ତ ଯୋଜନାରେ ନିଜକୁ ଅନ୍ତର୍ଭୁକ୍ତ କରିବେ, ତାଙ୍କୁ କମ୍ପାନୀ ପକ୍ଷରୁ ଧାର୍ଯ୍ୟ ସୁବିଧା ମଧ୍ୟ ପ୍ରଦାନ କରାଯିବ। ଏ ନେଇ କମ୍ପାନୀ ଉକ୍ତ ଯୋଜନା ସମ୍ପର୍କରେ ରେଗୁଲେଟୋରି ଫାଇଲିଂରେ ମଧ୍ୟ ସୂଚିତ କରିଥିବା ଜଣାପଡ଼ିଛି। ଉକ୍ତ ଫାଇଲିଂରେ ଦିଆଯାଇଥିବା ସୂଚନା ଅନୁସାରେ କମ୍ପାନୀକୁ ଭବିଷ୍ୟତ ଲାଗି ପ୍ରସ୍ତୁତ କରିବା ପାଇଁ ଏଭଳି ଏକ ଯୋଜନା ଅଣାଯାଇଛି।