ନୂଆଦିଲ୍ଲୀ,୧୬।୨: ଟିମ୍ ଇଣ୍ଡିଆର ‘ନ୍ୟୁ ଓ୍ବାଲ୍’ ଭାବରେ ସାରା ବିଶ୍ୱରେ ଜଣାଶୁଣା ଚେତେଶ୍ୱର ପୂଜାରା ତାଙ୍କ କ୍ରିକେଟ କ୍ୟାରିୟରର ୧୦୦ ତମ ଟେଷ୍ଟ ମ୍ୟାଚ୍ ଖେଳିବେ। ଦିଲ୍ଲୀରେ ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଟେଷ୍ଟ ପାଇଁ ମଇଦାନକୁ ଓହ୍ଲାଇବା ମାତ୍ରେ ଏହି ୩୫ ବର୍ଷୀୟ କ୍ରିକେଟର ୧୩ ତମ କ୍ରିକେଟର ଭାବେ ଏହି ଉପଲବ୍ଧି ହାସଲ କରିବେ।
ପୂଜାରା ୧୩ ବର୍ଷ ପୂର୍ବେ ବେଙ୍ଗାଲୁରୁରେ ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ଡେବ୍ୟୁ କରିଥିଲେ। ବର୍ତ୍ତମାନ ସେ ଅଷ୍ଟ୍ରେଲିଆ ବିପକ୍ଷରେ ଘରୋଇ ମଇଦାନରେ ନିଜ କ୍ୟାରିୟରର ୧୦୦ ତମ ଟେଷ୍ଟ ଖେଳିବାକୁ ଯାଉଛନ୍ତି। ଅଷ୍ଟ୍ରେଲିଆ ଦଳ ମଧ୍ୟ ପୂଜାରାଙ୍କ ପ୍ରିୟ ଦଳ । କଙ୍ଗାରୁଙ୍କ ବିପକ୍ଷରେ ଟେଷ୍ଟ କ୍ରିକେଟରେ ପୂଜାରା ବ୍ୟାଟିଂରେ ଭଲ ପ୍ରଦର୍ଶନ କରିଛନ୍ତି।
ପୂଜାରାଙ୍କ ପୂର୍ବରୁ ସଚିନ ତେନ୍ଦୁଲକର (୨୦୦), ରାହୁଲ ଦ୍ରାବିଡ (୧୬୩), ଭିଭିଏସ ଲକ୍ଷ୍ମଣ (୧୩୪), ଅନିଲ କୁମ୍ବଲେ (୧୩୨), କପିଲ ଦେବ (୧୩୧), ସୁନୀଲ ଗାଭାସ୍କର (୧୨୫) ୧୦୦ କିମ୍ବା ଅଧିକ ଟେଷ୍ଟ ମ୍ୟାଚ ଖେଳିବାର ସଫଳତା ହାସଲ କରିଥିଲେ। ତେବେ ତାଙ୍କ ପୂର୍ବରୁ ଏହି ମାଇଲଖୁଣ୍ଟରେ ପହଞ୍ଚିଥିବା ଶେଷ ଭାରତୀୟ ଥିଲେ ବିରାଟ କୋହଲି। ଅହମ୍ମଦାବାଦରେ ବିରାଟ ଇଂଲଣ୍ଡ ବିପକ୍ଷରେ ନିଜର ୧୦୦ତମ ଟେଷ୍ଟ ଖେଳିଥିଲେ।