ନୂଆଦିଲ୍ଲୀ,୧୧।୧୨: ଦେଶରେ ରହୁଥିବା ପ୍ରତ୍ୟେକ ବ୍ୟକ୍ତିଙ୍କ ପାଇଁ ଆଧାର ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ। କିନ୍ତୁ ଦେଶର କେତେକ ଲୋକ ଅଛନ୍ତି ଯାହାର ଆଙ୍ଗୁଠି ନାହିଁ, ତେବେ ଏପରି ଲୋକଙ୍କ ପାଇଁ ଆଧାର କାର୍ଡ ତିଆରି କରାଯିବ କି ବୋଲି ପ୍ରଶ୍ନ ଉଠିଛି। ଆଧାର କାର୍ଡ ତିଆରି କରିବାବେଳେ ଆଖି ମଧ୍ୟ ସ୍କାନ କରାଯାଇଥାଏ। କିନ୍ତୁ ଦୃଷ୍ଟି ବାଧିତ ଭାବେ ଜନ୍ମ ହୋଇଥିବା ବ୍ୟକ୍ତିଙ୍କ ପାଇଁ ଆଧାର କାର୍ଡ କିପରି ତିଆରି ହେବ। ଏ ସମ୍ପର୍କରେ ସରକାର ସ୍ପଷ୍ଟ କରିଛନ୍ତି। ଇଲେକ୍ଟ୍ରୋନିକ୍ସ ଏବଂ ଆଇଟି ରାଜ୍ୟ ମନ୍ତ୍ରୀ ରାଜୀବ ଚନ୍ଦ୍ରଶେଖର ଏକ ବିବୃତ୍ତିରେ କହିଛନ୍ତି ଯେ ବର୍ତ୍ତମାନ ଯେଉଁମାନଙ୍କର ଆଙ୍ଗୁଠି ଏବଂ ଆଖି ନାହିଁ। ସେମାନଙ୍କର ଆଧାର କାର୍ଡ ମଧ୍ୟ ପ୍ରସ୍ତୁତ କରାଯିବ। ଆହୁରି ମଧ୍ୟ, ଏହି ନିୟମ ସମଗ୍ର ଦେଶରେ ପ୍ରଯୁଜ୍ୟ ହେବ …
ଆଇଟି ମନ୍ତ୍ରୀ ରାଜୀବ ଚନ୍ଦ୍ରଶେଖର ଏକ ବିବୃତ୍ତିରେ କହିଛନ୍ତି ଯେ ଯଦି କୌଣସି ବ୍ୟକ୍ତିର ଆଙ୍ଗୁଠି ନଥାଏ, ତେବେ ତାଙ୍କ ଆଇରିସ ସ୍କାନ କରି ଆଧାରରେ ନାମଲେଖା କରାଯାଇପାରିବ। ବିବୃତ୍ତିରେ ଏହା ମଧ୍ୟ କୁହାଯାଇଛି ଯେ ଏକ UIDAI ଦଳ ସେହି ଦିନ କେରଳର କୋଟାୟାମ ଜିଲାର କୁମାରକାମରେ ଥିବା ଜୋସେଙ୍କ ଘରକୁ ଯାଇ ଆଧାର ନମ୍ବର ପ୍ରସ୍ତୁତ କରିଥିଲେ। ଆଖି ଏବଂ ଆଙ୍ଗୁଠି ବିନା ଆଧାର ନମ୍ବର ସୃଷ୍ଟି କରିବାକୁ ସରକାର ଏକ ଉପାୟ ଖୋଜିଛନ୍ତି। ଆଗାମୀ ଦିନରେ ସମଗ୍ର ଦେଶରେ ସମସ୍ତଙ୍କ ପାଇଁ ଆଧାର କାର୍ଡ ପ୍ରସ୍ତୁତ କରାଯିବ। ଯଦିଓ ସେମାନଙ୍କର ଆଙ୍ଗୁଠି କିମ୍ବା ଆଖି ନଥାଏ। କାଶ୍ମୀରରୁ କନ୍ୟାକୁମାରୀ ପର୍ଯ୍ୟନ୍ତ ଏହି ନିୟମ ଲାଗୁ ହେବ।
ତେବେ ଦୃଷ୍ଟି ଶକ୍ତି ନ ଥିବା ବ୍ୟକ୍ତି ଆଙ୍ଗୁଠି ଓ ଆଙ୍ଗୁଠି ନ ଥିବା ବ୍ୟକ୍ତି ଆଇରିସ ସ୍କାନ କରି ଆଧାର କାର୍ଡ କରିପାରିବେ ବୋଲି କୁହାଯାଇଛି।