ମୁଲୁଗୁ, ୩।୨ : ମାଓବାଦୀ ନେତା ମାଡଭି ହିଡମା ତେଲେଙ୍ଗାନାର ମୁଲୁଗୁ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ସେ ଛତିଶଗଡର ବିଜାପୁରରେ ହୋଇଥିବା ଆକ୍ରମଣର ମାଷ୍ଟରମାଇଣ୍ଡ ଥିଲେ ବୋଲି କୁହାଯାଉଛି। ଏପ୍ରିଲ ୨୦୨୧ରେ, ବିଜାପୁରରେ ସିଆର୍ପିଏଫ୍ ଯବାନଙ୍କ ଉପରେ ଆକ୍ରମଣ ହୋଇଥିଲା। ଏଥିରେ ୨୨ଜଣ ଯବାଦ ଶହୀଦ୍ ହୋଇଥିଲେ।
ସେ ଛତିଶଗଡରୁ ଆସି ୧୬ ବର୍ଷ ବୟସରେ ଜଣେ ମାଓବାଦୀ ସଂଗଠନରେ ଯୋଗଦେଇଥିଲେ।
ମୁଲୁଗୁ ପୋଲିସ କହିଛି ଯେ ୨୫ ବର୍ଷିୟ ହିଡମା ଅଡି-ଲେଡ କମ୍ୟୁନିଷ୍ଟ ପାର୍ଟି ଅଫ ଇଣ୍ଡିଆ (ମାଓବାଦୀ)ର ଜଣେ ସଦସ୍ୟ। ହିଡମା ଅନେକ ଆକ୍ରମଣର ମାଷ୍ଟରମାଇଣ୍ଡ ବୋଲି କୁହାଯାଏ।
ସେ କେବଳ ସୁରକ୍ଷା ବାହିନୀକୁ ନୁହେଁ ରାଜନେତାମାନଙ୍କୁ ମଧ୍ୟ ଟାର୍ଗେଟ କରିଥିଲେ। କୁହାଯାଉଛି ଯେ ହିଡମାଙ୍କ ଦ୍ୱାରା କରାଯାଇଥିବା ଆକ୍ରମଣରେ ପ୍ରାୟ ୭୦ ଜଣ ଯବାନଙ୍କ ଜୀବନ ଯାଇଛି। ହିଡମାଙ୍କ ବିଷୟରେ ସୂଚନା ଦେବା ପାଇଁ ଛତିଶଗଡ ପୋଲିସ ୨୫ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲେ।
ମାଡଭି ହିଡମାଙ୍କୁ ଅନେକ ଲୋକ ଦେଖି ନ ଥିଲେ। ତାଙ୍କ ବୟସ ବିଷୟରେ ଅନେକ କଳ୍ପନାଜଳ୍ପନା କରାଯାଉଥିଲା। କିଛି ଲୋକ କହୁଥିଲେ ଯେ ତାଙ୍କୁ ୫୫ ବର୍ଷ ଏବଂ କିଛି ଲୋକ କହୁଛନ୍ତି ଯେ ସେ ୩୮ ବର୍ଷ ବୟସ୍କ। ହିଡମା ଭଲଭାବେ ଇଂରାଜୀ କହୁଥିବାର କୁହାଯାଏ। ହିଡମା ହିଡମାଲୁ ଏବଂ ସନ୍ତୋଷ ନାମରେ ମଧ୍ୟ ଜଣାଶୁଣା। ତାଙ୍କ ସୁରକ୍ଷା ପାଇଁ ଅସ୍ତ୍ରଶସ୍ତ୍ରରେ ବାହିନୀ ରହିଥାନ୍ତି।
ସେ ମାଓବାଦୀ କମାଣ୍ଡର ରଭୁଲା ଶ୍ରୀନିବାସ ଓରଫ୍ ରମନ୍ନାଙ୍କ ନିକଟତର ହୋଇଥିଲେ। ରମନ୍ନା ପ୍ରାୟ ୧୫୦ ସୁରକ୍ଷା କର୍ମୀଙ୍କ ଜୀବନ ନେଇଥିବାର କୁହାଯାଏ। ୨୦୨୯ ରେ ହୃଦଘାତରେ ତାଙ୍କର ମୃତ୍ୟୁ ଘଟିଥିଲା। ସେତେବେଳେ ହିଡମା ଦାୟିତ୍ୱ ଗ୍ରହଣ କରିଥିଲେ। କୁହାଯାଉଛି ଯେ ସେ ସୁରକ୍ଷା ବାହିନୀ ଉପରେ ୨୭ରୁ ଅଧିକ ଆକ୍ରମଣରେ ଜଡିତ ଥିଲେ।