![](https://www.dharitri.com/wp-content/uploads/2021/12/5-8.png)
ମୁମ୍ବାଇ,୧୦।୧୨: ବଲିଉଡ୍ ସୁପରଷ୍ଟାର ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଏବେ ଡ୍ରାଗ୍ସ ଅନ୍ କ୍ରୁଜ ମାମଲାରେ ଜାମିନରେ ବାହାରେ ଅଛନ୍ତି। କିନ୍ତୁ ଜାମିନର ସର୍ତ୍ତ ମୁତାବକ, ତାଙ୍କୁ ପ୍ରତି ଶୁକ୍ରବାର ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନ୍ସିବି)ର ଦକ୍ଷିଣ ମୁମ୍ବାଇ କାର୍ଯ୍ୟାଳୟରେ ହାଜର ହେବାକୁ ପଡ଼ୁଛି। ଏହି ନିୟମକୁ ପ୍ରତ୍ୟାହାର କରିବା ଲାଗି ସେ ବମ୍ବେ ହାଇକୋର୍ଟଙ୍କ ଦ୍ୱାରସ୍ତ ହୋଇଛନ୍ତି।
ଡ୍ରାଗ୍ସ ଅନ୍ କ୍ରୁଜ ମାମଲାର ତଦନ୍ତ ଭାର ଦିଲ୍ଲୀ ଏନ୍ସିବିର ସ୍ବତନ୍ତ୍ର ତଦନ୍ତକାରୀ ଦଳକୁ ଦିଆଯାଇଥିବାରୁ ଉକ୍ତ ସର୍ତ୍ତରେ କିଛି କୋହଳ କରାଯାଇପାରେ ବୋଲି ଆର୍ଯ୍ୟନ ତାଙ୍କ ଆବେଦନରେ ଦର୍ଶାଇଛନ୍ତି। ହାଇକୋର୍ଟରେ ଏହି ଆବେଦନର ଶୁଣାଣି ଆସନ୍ତା ସପ୍ତାହରେ ହେବ ବୋଲି ତାଙ୍କ ଓକିଲ କହିଛନ୍ତି।
ମୁମ୍ବାଇ ଉପକୂଳରେ କ୍ରୁଜ ଯାହଜରେ ଏନ୍ସିବିର ଚଢ଼ାଉ ପରେ ଅକ୍ଟୋବର ୩ ତାରିଖରେ ଆର୍ଯ୍ୟନଙ୍କୁ ଡ୍ରଗ୍ସ ସେବନ, କିଣିବା ଓ ପାଖରେ ରଖିବା ଲାଗି ଗିରଫ କରାଯାଇଥିଲା। ସେହି ମାସ ୨୮ ତାରିଖରେ ତାଙ୍କୁ ଜାମିନ ପ୍ରଦାନ କରିଥିଲେ ବମ୍ବେ ହାଇକୋର୍ଟ। ଜାମିନ ବେଳେ କୋର୍ଟ ତାଙ୍କ ଉପରେ ୧୪ ସର୍ତ୍ତ ଲଗାଇଥିଲେ। ପ୍ରତି ଶୁକ୍ରବାର ଏନ୍ସିବି କାର୍ଯ୍ୟାଳୟରେ ହାଜର ହେବା ସହ ଏଜେନ୍ସି ବିନା ଅନୁମତିରେ ମୁମ୍ବାଇ ଛାଡ଼ିପାରିବେ ନାହିଁ ଭଳି ସର୍ତ୍ତ ରଖାଯାଇଥିଲା।