ରାଞ୍ଚି, ୩୦ା୮: ଝାଡ଼ଖଣ୍ଡ ଦୁମ୍କା ଜିଲାର ଯୁକ୍ତ ୨ ଛାତ୍ରୀ ଅଙ୍କିତା ସିଂଙ୍କୁ ପେଟ୍ରୋଲ ଢାଳି ହତ୍ୟା ମାମଲାର ତଦନ୍ତ ପାଇଁ ରାଜ୍ୟ ସରକାର ସ୍ବତନ୍ତ୍ର ତଦନ୍ତକାରୀ ଟିମ୍ (ଏସ୍ଆଇଟି) ଗଠନ କରିଛନ୍ତି। ଜିଲା ଏସ୍ପି ଏହି ଟିମ୍ର ନେତୃତ୍ୱ ନେବେ। ଘଟଣାରେ ଅଦ୍ୟାବଧି ମୁଖ୍ୟ ଅଭିଯୁକ୍ତ ଶାହାରୁଖ ହୁସେନ୍ଙ୍କ ସମେତ ମୋଟ ୨ ଜଣଙ୍କୁ ଗିରଫ କରାଯାଇଛି। ସବୁ ଦିଗରୁ ତଦନ୍ତ କରାଯାଇ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଝାଡ଼ଖଣ୍ଡ ପୋଲିସ ଏଡିଜି ଏମ୍ଏଲ୍ ମୀନା କହିଛନ୍ତି। ଅନ୍ୟପକ୍ଷରେ ଝାଡ଼ଖଣ୍ଡ ହାଇକୋର୍ଟ ମଙ୍ଗଳବାର ନିଜ ଆଡ଼ୁ ଏହି ମାମଲା ଗ୍ରହଣ କରିବା ସହ ପୋଲିସ ମହାନିର୍ଦ୍ଦେଶକ (ଡିଜିପି) ନୀରଜ ସିହ୍ନାଙ୍କୁ ସମ୍ପୂର୍ଣ୍ଣ ରିପୋର୍ଟ ପ୍ରଦାନ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ଅଙ୍କିତାଙ୍କୁ ନିକଟରେ ଥିବା ଏମ୍ସ ମେଡିକାଲକୁ ନିଆ ନ ଯାଇ କାହିଁକି ରାଞ୍ଚି ରାଜେନ୍ଦ୍ର ଡାକ୍ତରଖାନାକୁ ପଠାଯାଇଥିଲା ବୋଲି ମୁଖ୍ୟ ବିଚାରପତି ଜଷ୍ଟିସ୍ ଡ. ରବି ରଞ୍ଜନ ଏବଂ ଜଷ୍ଟିସ୍ ସୁଜିତ୍ ନାରାୟଣଙ୍କ ଡିଭିଜନ୍ ବେଞ୍ଚ୍ ଡିଜିପିଙ୍କୁ ପ୍ରଶ୍ନ କରିଥିଲେ। ଦେଓଘରସ୍ଥିତ ଏମ୍ଦରେ ବର୍ନ ୟୁନିଟ୍ରେ ଆବଶ୍ୟକ ମେଡିକାଲ ଉପକରଣ ନ ଥିବାରୁ ତାଙ୍କୁ ରାଞ୍ଚି ନିଆଯାଇଥିଲା ବୋଲି ଡିଜିପି କହିଛନ୍ତି।
ଯେ, ଏକତରଫା ପ୍ରେମରେ ବିଫଳ ହୋଇ ଅଭିଯୁକ୍ତ ଶାହାରୁଖ ଗତ ୨୩ ତାରିଖ ରାତିରେ ଅଙ୍କିତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇଦେଇଥିଲେ। ସପ୍ତାହେ ଧରି ମୃତ୍ୟୁ ସହ ସଂଗ୍ରାମ ପରେ ୧୯ ବର୍ଷୀୟା ଅଙ୍କିତା ଆଖି ବୁଜିଥିଲେ। ଏହାକୁ ନେଇ ରାଜ୍ୟବ୍ୟାପୀ ଉତ୍ତେଜନା ଦେଖାଦେଇଛି। ଦୋଷୀଙ୍କୁ ସୁରକ୍ଷା ଯୋଗାଇଥିବା ଅଭିଯୋଗରେ ଦୁମ୍କା ଏସ୍ଡିପିଓ ନୂର୍ ମୁସ୍ତାଫାଙ୍କୁ ନିଲମ୍ବନ କରାଯାଇଛି।
