ସବୁ ମହିଳାଙ୍କର ପସନ୍ଦ ହାଈ ହିଲ୍ ସୁଜ। ଏହା ଷ୍ଟାଇଲିଶ୍ ଲୁକ୍ ଦେବା ସହ ହାଈ କ୍ଲାସ୍ର ଫିଲିଂ ବି ଦିଏ। କାହିଁ କେବେଠାରୁ ମହିଳାମାନେ ହାଈ ହିଲ୍ସ ପିନ୍ଧି ଆସୁଛନ୍ତି। ଆଉ ଏହା କେବଳ ମହିଳାଙ୍କ ପାଇଁ ଉଦ୍ଦିଷ୍ଟ ବୋଲି ସମସ୍ତେ ଜାଣନ୍ତି। କିନ୍ତୁ ଜାଣି ଆଶ୍ଚର୍ଯ୍ୟ ହେବେ ହାଈ ହିଲ୍ସର ଇତିହାସ କହେ ଏହା ପ୍ରଥମେ ପୁରୁଷଙ୍କ ପାଇଁ ଉଦ୍ଦିଷ୍ଟ ଥିଲା। ମହିଳାଙ୍କ ପାଇଁ ନୁହେଁ। ସର୍ବପ୍ରଥମେ ଯୁଦ୍ଧ ଓ ଘୋଡାଚାଳନା କରିବା ସମୟରେ ଗୋଡ ନ ଖସି ଭଲରେ ଜାବୁଡି ଧରି ରହିବା ପାଇଁ ହାଈ ହିଲ୍ ଜୋତା ପୁରୁଷଙ୍କ ପାଇଁ ତିଆରି ହୋଇଥିଲା । ଏହାର ବ୍ୟବହାର ପ୍ରଥମେ ୧୦ମ ଶତାବ୍ଦିରେ ହୋଇଥିଲା। ପର୍ସିୟା ସାମ୍ରାଜ୍ୟର ପୁରୁଷ ପ୍ରଥମେ ଏହାକୁ ଯୁଦ୍ଧ ସମୟରେ ପିନ୍ଧୁଥିଲେ। ୧୫୯୯ରେ ଯେବେ ପର୍ସିୟାର ରାଜା ଶାହ ଅବ୍ବାସ ନିଜ ରାଜଦୂତକୁ ୟୁରୋପ ପଠାଇଥିଲେ ସେତେବେଳେ ତାଙ୍କ ସହ ହାଈ ହିଲ୍ସ ୟୁରୋପରେ ପହଞ୍ଚତ୍ଥିଲା। ଏହାପରେ ପରେ ହାଈ ହିଲ୍ସ ସାରା ପୃଥିବୀରେ ବ୍ୟାପିବାକୁ ଲାଗିଲା। ଏହାକୁ ଧନୀକ ଶ୍ରେଣୀର ବ୍ୟକ୍ତି ଓ ରାଜାମାନେ ପିନ୍ଧିବାର ସଉକ ପାଲଟିଯାଇଥିଲା। ଫ୍ରାନ୍ସର ଶାସକ ଲୁଇସ୧୪ ତ ୧୦ ଇଞ୍ଚର ହାଈ ହିଲ୍ସ ପିନ୍ଧୁଥିଲେ ବୋଲି କୁହାଯାଏ। କାରଣ ତାଙ୍କର ଉଚ୍ଚତା ମାତ୍ର ୫ ଫୁଟ୍ ୪ ଇଞ୍ଚ ଥିଲା। ଏହାପରେ ୧୭୪୦ରେ ପ୍ରଥମେ ମହିଳାମାନେ ହାଈ ହିଲ୍ସ ପିନ୍ଧିବା ଆରମ୍ଭ କଲେ। ଆଉ ଧୀରେ ଧୀରେ ଏହା ଉପରେ ସମ୍ପୂର୍ଣ୍ଣଭାବେ କବ୍ଜା କରିନେଲେ। ୫୦ ବର୍ଷ ଭିତରେ ଏହା ପୁରୁଷଙ୍କ ପାଦରୁ ସମ୍ପୂର୍ଣ୍ଣଭାବେ ଉଭାନ ହୋଇ ମହିଳାଙ୍କର ପାଲଟିଗଲା। ସମୟ ବଦଳିବା ସହ ଏହାର ଆକାର ଓ ଡିଜାଇନ୍ରେ ପରିର୍ତ୍ତନ ଆସିଛି। ଆଉ ଏବେ ଗବେଷଣା କହୁଛି ହାଈ ହିଲ୍ସ ଅଧିକ ପିନ୍ଧିଲେ ମେରୁଦଣ୍ଡ ହାଡ ଉପରେ କୁପ୍ରଭାବ ପଡିଥାଏ। ତେଣୁ ଏହାକୁ ଅଧିକ ସମୟ ବ୍ୟବହାର କରିବା ଉଚିତ ନୁହେଁ।