ପାକିସ୍ତାନ ସଂସଦରେ ହାଇ ଭୋଲଟେଜ୍‌ ଡ୍ରାମା: ବିରୋଧୀ ବାଛିଲେ ପ୍ରଧାନମନ୍ତ୍ରୀ

ଇସଲାମାବାଦ୍‌,୩।୪:ପାକିସ୍ତାନର ସଂସଦରେ ରବିବାର ହାଇ ଭୋଲଟେଜ ଡ୍ରାମା ଦେଖିବାକୁ ମିଳିଛି। ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ବିରୋଧରେ ଆସିବାକୁ ଥିବା ଅନାସ୍ଥା ପ୍ରସ୍ତାବ ପାକିସ୍ତାନ ନ୍ୟାସନାଲ ଆସେମ୍ବଲିରେ ଖାରଜ ହୋଇଛି। ଉପବାଚସ୍ପତି କାସୀମ ଖାନ ସୁରୀଙ୍କ ଦ୍ୱାରା ଅନାସ୍ଥା ପ୍ରସ୍ତାବ ଖାରଜ ହୋଇଛି। ବିଦେଶୀ ଷଡଯନ୍ତ୍ର ଦର୍ଶାଇ ପ୍ରସ୍ତାବକୁ ଖାରଜ କରିଛନ୍ତି ପାକିସ୍ତାନ ଉପବାଚସ୍ପତି। ଏପ୍ରିଲ ୨୫ ତାରିଖ ପର୍ଯ୍ୟନ୍ତ ନ୍ୟାସନାଲ ଆସେମ୍ବଲି ସ୍ଥଗିତ ରଖାଯାଇଛି।
ବିରୋଧୀ ଏହାକୁ ଗ୍ରହଣ ନ କରି ପାକିସ୍ତାନର ଜାତୀୟ ସଭାରେ ଧାରଣା ଉପରେ ବସିଥିବା ବିରୋଧୀ ଦଳ ସଂସଦକୁ କବଜା କରିଛନ୍ତି। ବିରୋଧୀ ଦଳ ଆୟାଜ ସାଦିକଙ୍କୁ ବାଚସ୍ପତି ଭାବରେ ମନୋନୀତ କରିଛନ୍ତି। ଅନାସ୍ଥା ପ୍ରସ୍ତାବ ଉପରେ ମଧ୍ୟ ଭୋଟ ଦେଇଛନ୍ତି। ବିରୋଧୀ ଦଳ ପକ୍ଷରୁ କୁହାଯାଇଛି ଯେ ଅନାସ୍ଥା ପ୍ରସ୍ତାବରେ ସେମାନଙ୍କ ସପକ୍ଷରେ ୧୯୫ ଭୋଟ ଦିଆଯାଇଛି। ଅନାସ୍ଥା ପ୍ରସ୍ତାବ ଉପରେ ଭୋଟିଂ କରି ବିରୋଧୀ ଏମ୍‌ପିମାନେ ମଧ୍ୟ ଏକ ନୂତନ ପ୍ରଧାନମନ୍ତ୍ରୀ ଚୟନ କରିଛନ୍ତି। ବିରୋଧୀଦଳ ଦ୍ୱାରା ପିଏମଏଲ୍‌-ଏନ ନେତା ଶାହବାଜ ସରିଫ ପ୍ରଧାନମନ୍ତ୍ରୀ ହେବେ ବୋଲି ନିଷ୍ପତ୍ତି ନିଆଯାଇଛି।
ସଂସଦରେ ଆତ୍ମବିଶ୍ୱାସ ପ୍ରସ୍ତାବ ପ୍ରତ୍ୟାଖ୍ୟାନ ହେବା ପରେ ବିରୋଧୀ ସୁପ୍ରିମକୋର୍ଟ ଯାଇଛନ୍ତି। ପିଏମଏଲ୍‌-ଏନର ମରିୟମ ନୱାଜ କହିଛନ୍ତି, ଏହି ପ୍ରସଙ୍ଗରେ ଆମେ ସୁପ୍ରିମକୋର୍ଟ ଯାଇଛନ୍ତି। ପାକିସ୍ତାନରେ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ସୁପ୍ରିମକୋର୍ଟ ଏହି ମାମଲାର ଶୁଣାଣି ପାଇଁ ଏକ ସ୍ବତନ୍ତ୍ର ବେଞ୍ଚ ଗଠନ କରିଛନ୍ତି।