ହାଟଡିହୀ,୭l୫(ଶୁଭକାନ୍ତ ନାୟକ): କେନ୍ଦୁଝର ଜିଲା ନନ୍ଦିପଦା ଥାନା ଆନନ୍ଦପୁର-ଭଦ୍ରକ ୫୩ ନମ୍ବର ରାଜ୍ୟ ରାଜପଥର ହାଟଡିହୀ ପୋଷ୍ଟ ଅଫିସ ନିକଟରେ ଏକ ବାଇକ୍ ଦୁର୍ଘଟଣା ଘଟି ଜଣେ ଯୁବକ ଗୁରୁତର ହୋଇଛନ୍ତି l ସେ ହେଲେ ଆନନ୍ଦପୁର ଥାନା ଫକୀରପୁର ଛକର ବାସିନ୍ଦା ପିଣ୍ଟୁ ସେଠୀ(୩୦)।
ପିଣ୍ଟୁ ଭଦ୍ରକରୁ ଆନନ୍ଦପୁର ଅଭିମୁଖେ ବାଇକରେ ଯାଉଥିଲେ l ସେତିକିବେଳେ ପୋଷ୍ଟ ଅଫିସ ନିକଟ ରାଜପଥ ଉପରେ ଭଙ୍ଗା ଇଟା ଏବଂ ପଥର ଗଦା ହୋଇ ରହିଥିଲା। ବାଇକ୍ଟି ଭାରସାମ୍ୟ ହରାଇ ଇଟା ପଥର ଗଦାରେ ଧକ୍କା ହୋଇଯାଇଥିଲା। ଫଳରେ ପିଣ୍ଟୁ ଗାଡିରୁ ଛିଟିକି ପଡି ଗୁରୁତର ହୋଇଥିଲେ l ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ହାଟଡିହୀ ମେଡିକାଲରେ ଭର୍ତ୍ତି କରିଥିଲେ। ସେଠାରେ ତାଙ୍କର ଚିକିତ୍ସା ଚାଳିଥିବା ଜଣାପଡିଛି।