ଶିମଲା,୮ ।୧୨: ହିମାଚଳ ପ୍ରଦେଶ ନିର୍ବାଚନକୁ ନେଇ ମିଳିଥିବା ତାଜା ଖବର ଅନୁଯାୟୀ, କଂଗ୍ରେସକୁ ବହୁମତ ମିଳିଯାଇଛି । ତେଣୁ ହିମାଚଳ ପ୍ରଦେଶରେ କଂଗ୍ରେସ ସରକାର ଗଠନ କରିବା ଏକ ପ୍ରକାର ସ୍ପଷ୍ଟ ହୋଇଯାଇଛି କହିଲେ ଚଳେ । ମିଳିଥିବା ସୂଚନା ଅନୁଯାୟୀ, ଏଠାରେ କଂଗ୍ରେସକୁ ୩୯ ଆସନ ମିଳିଥିବା ବେଳେ ଭାରତୀୟ ଜନତା ପାର୍ଟି(ଭାଜପା)କୁ ୨୬ ଆସନ ମିଳିପାରେ । ଏହି ଫଳାଫଳ ଆସିବା ପରେ କଂଗ୍ରେସ ଦଳ ମଧ୍ୟରେ ବି ହଲଚଲ ଆରମ୍ଭ ହୋଇଯାଇଛି । ହିମାଚଳରେ ମୁଖ୍ୟମନ୍ତ୍ରୀ ପଦର ଅନେକ ଆଶାୟୀ ରହିଛନ୍ତି । ଏହି ରେସରେ ସବୁଠାରୁ ଆଗରେ ରହିଛନ୍ତି ପ୍ରଦେଶ ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ବୀରଭଦ୍ର ସିଂହଙ୍କ ପତ୍ନୀ ପ୍ରତିଭା ସିଂହ ।
ଏବେ ହିମାଚଳ ପ୍ରଦେଶ ନିର୍ବାଚନର ଫଳାଫଳ ଆସିବା ପରେ ପ୍ରଥମ କରି ପ୍ରତିଭା ସିଂହଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ କହିଛନ୍ତି ଜନତା ଆମକୁ ନିର୍ବାଚିତ କରିଛନ୍ତି । ତେଣୁ ଆମକୁ ଭୟ କରିବାର ନାହିଁ । ଆମେ ଚଣ୍ଡିଗଡ଼ ଅବା ରାଜ୍ୟରେ କେଉଁଠିବି ହଜାର ବିଧୟକଙ୍କ ସହ ସାକ୍ଷାତ୍ କରିପାରିବା । ଯେଉଁମାନେ ବିଜୟୀ ହୋଇଛନ୍ତି ସୋମନେ ଆମ ସହ ରହିବେ । ଆଉ ଆମେ ସରକାର ଗଠନ କରିବୁ ।
ତେବେ ମୁଖ୍ୟମନ୍ତ୍ରୀ ପଦକୁ ନେଇ ପ୍ରତିଭା କହିଛନ୍ତି ନିର୍ବାଚିତ ବିଧାୟକମାନେ ସ୍ଥିର କରିବେ କିଏ ହେବେ ମୁଖ୍ୟମନ୍ତ୍ରୀ । ଏହାପରେ ଦଳ ମୁଖିଆ ନାମ ଘୋଷଣା କରିବେ । ହେଲେ ଜନତା ଆଗକୁ ବି ବୀରଭଦ୍ରଙ୍କ ପରବାରର ନେତୃତ୍ୱ ଚାହାନ୍ତି । କାରଣ ବୀରଭଦ୍ରଙ୍କ ଯୋଗୁ ମୁଁ ଏହି ନିର୍ବାଚନରେ ବିଜୟୀ ହୋଇଛି ।