ଶିମ୍ଲା,୬।୧୧: ହିମାଚଳ ପ୍ରଦେଶ ନିର୍ବାଚନ ପାଇଁ ଭାଜପା ରବିବାର ଘୋଷଣା ପତ୍ର ପ୍ରକାଶ କରିଛି। ଭାଜପା ଏହି ଘୋଷଣା ପତ୍ରକୁ ‘ସଙ୍କଳ୍ପ ପତ୍ର- ୨୦୨୨’ ନାମରେ ନାମିତ କରିଛି। ଭାଜପା ରାଷ୍ଟ୍ରୀୟ ସଭାପତି ଜଗତ ପ୍ରକାଶ ନଡା ଘୋଷଣା ପତ୍ର ପ୍ରକାଶ କରି କହିଛନ୍ତି, ଜୟ ରାମ ଠାକୁରଙ୍କ କାର୍ଯ୍ୟକାଳ ମଧ୍ୟରେ ୬୦୦୦ କିଲୋମିଟର ରାସ୍ତା ନିର୍ମାଣ କରାଯାଇଥିଲା, ଘର ନିର୍ମାଣ କରାଯାଇଥିଲା, ଗରିବ ଲୋକଙ୍କୁ ରାସନ ଦିଆଯାଇଥିଲା, ପାଞ୍ଚ ବର୍ଷ ମଧ୍ୟରେ ଏମ୍ସ କରାଯାଇଥିଲା। ବଲ୍କ ଡ୍ରଗ ଫାର୍ମା ପାର୍କ ମଧ୍ୟ ନିର୍ମାଣ କରାଯାଉଛି। ୟୁନିଫର୍ମ ସିଭିଲ କୋଡକୁ ଏହାର ଘୋଷଣା ପତ୍ରରେ ଲାଗୁ କରିବାକୁ ଭାଜପା ପ୍ରତିଶ୍ରୁତି ଦେଇଛି। ଏଥିପାଇଁ ଏକ କମିଟି ଗଠନ କରାଯିବ। ମୁଖ୍ୟମନ୍ତ୍ରୀ ସମ୍ମାନ ନିଧି ସହ ପ୍ରତିବର୍ଷ ୩୦୦୦ ଟଙ୍କା ପ୍ରଦାନ କରାଯିବ। ଆଠ ଲକ୍ଷରୁ ଅଧିକ ଚାକିରି ଦିଆଯିବ। ସମସ୍ତ ଗାଁକୁ ପକ୍କା ରାସ୍ତା କରାଯିବ। ପାଞ୍ଚଟି ନୂତନ ମେଡିକାଲ କଲେଜ ଖୋଲାଯିବ। ମୋବାଇଲ କ୍ଲିନିକ ଭ୍ୟାନ ପ୍ରତ୍ୟେକ ବିଧାନସଭା ନିର୍ବାଚନମଣ୍ଡଳୀକୁ ଯିବ। ପୁରୁଣା ପେନ୍ସନ୍ର ପୁନରୁଦ୍ଧାର ସମ୍ପର୍କରେ ଘୋଷଣା ପତ୍ରରେ କୌଣସି ଉଲ୍ଲେଖ କରାଯାଇ ନାହିଁ।
ଭାଜପାର ଘୋଷଣା ପତ୍ର ଜାରି ସମୟରେ ମୁଖ୍ୟମନ୍ତ୍ରୀ ଜୟ ରାମ ଠାକୁର, ଭାଜପା ସଙ୍କଳ୍ପ ପତ୍ର କମିଟିର ସଭାପତି ପ୍ରଫେସର ଡା. ସିକନ୍ଦର କୁମାର, କେନ୍ଦ୍ର ମନ୍ତ୍ରୀ ଅନୁରାଗ ଠାକୁର, ପୂର୍ବତନ ମନ୍ତ୍ରୀ ହର୍ଷ ମହାଜନ, ଏମ୍ପି ଇନ୍ଦୁ ଗୋସ୍ବାମୀ ପ୍ରମୁଖ ଉପସ୍ଥିତ ଥିଲେ।
