ନୂଆଦିଲ୍ଲୀ, ୧୩ ।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହିବାଚଳ ପ୍ରଦେଶର ଉନାରେ ବଲ୍କ ଡ୍ରଗ ପାର୍କର ଉଦଘାଟନ ଓ ଉନା-ହମିରପୁର ରେଲୱେ ପରିଯୋଜନାର ଶିଳାନ୍ୟାସ କରିଛନ୍ତି । ଏହି ଅବସରରେ ମୋଦି କହିଛନ୍ତି ଧନତେରସ ଓ ଦୀପାବଳି ପୂର୍ବରୁ ହିମାଚଳକୁ ୧୦୦୦କୋଟିର ଉପହାର ଦେଇଥିବାରୁ ମୋତେ ଖୁସି ଲାଗୁଛି । ସେ ଆହୁରି କହିଛନ୍ତି ମୁଁ ଉନାରେ ଏତେ ସମୟ କାଟିଛି ଯେ ଯେତେବେଳେ ଏଠାକୁ ଆସୁଛି ମୋର ପୁରୁଣା ସମୟ ମନେପଡିଯାଉଛି । ମୋତେ ଅନେକ ଥର ମାତା ଚିନ୍ତପୁର୍ଣ୍ଣି ଦେବୀଙ୍କୁ ଦର୍ଶନ କରିବା ଓ ଆଶୀର୍ବାଦ ପାଇବାର ସୌଭାଗ୍ୟ ମିଳିଛି । ମୋଦି କହିଛନ୍ତି କେଉଁଠିବି ବିକାଶର ନାମ ନଜର ଆସୁ ନଥିଲା । ଚାରିପଟରେ ବିଶ୍ୱାସର ଖାଇ, ନିରାଶାର ପାହାଡ ଓ ଗର୍ତ୍ତ ହିଁ ଗର୍ତ୍ତ ନଜର ଆସୁଥିଲା । ସେ ଏହି ଖାଇକୁ ପୂରଣ କରିବାକୁ ଚିନ୍ତା କରି ନ ଥିଲେ । ଆମେ ସେ ଖାଇକୁ ତ ପୂରଣ କଲୁ ଏବେ ନୂଆ ବହୁତଳ ପ୍ରାସାଦ ନିର୍ମାଣ କରାଯାଉଛି । ମୋଦି କହିଛନ୍ି ପୂର୍ବରୁ ହିମାଚଳରେ ଯେଉଁ ସରକାର ଥିଲେ ଦିଲ୍ଲୀରେ ବି ଯେଉଁମାନେ ବସିଥିଲେ ସୋମାନେ କେବେ ହିମାଚଳବାସୀଙ୍କ ଆବଶ୍ୟକତାକୁ ପୂରଣ କରିବାକୁ ଚିନ୍ତା କରି ନାହାନ୍ତି । ଆପଣଙ୍କ ଆଶା ଓ ଆକାଂକ୍ଷାକୁ ସେମାନେ କେବେ ବୁଝିପାରି ନାହାନ୍ତି । ମୋର ମନେ ଅଛି ହିମାଚଳର ଅବସ୍ଥା କ’ଣ ଥିଲା । ଆଉ ଆଜି ହିମାଚଳରେ ଡ୍ରୋନ୍ ସାହାଯ୍ୟରେ ଆବଶ୍ୟକ ସାମଗ୍ରୀ ଦୁର୍ଗମ ଅଞ୍ଚଳକୁ ପଠାଯାଉଛି । ଏପଟେ ବନ୍ଦେ ଭାରତ ଏକ୍ସପ୍ରେସ ମାଧ୍ୟମରେ ଦିଲ୍ଲୀ ପର୍ଯ୍ୟନ୍ତ ଶୀଘ୍ର ପହଞ୍ଚିବାର କାମ କରାଯାଉଛି ।