ଶିମ୍ଲା,୭।୩: ହିମାଚଳ ପ୍ରଦେଶର ସୋଲାନ ଜିଲାର ଧରାମପୁରରେ ମଙ୍ଗଳବାର ସକାଳେ ଏକ ବଡ଼ ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଥିବାବେଳେ ୩ ଜଣ ଗୁରୁତର ଆହତ ହୋଇଛନ୍ତି। ଏକ ପେଟ୍ରୋଲ ପମ୍ପ ନିକଟରେ ୮ ଶ୍ରମିକ କାମକୁ ଯାଉଥିବା ବେଳେ ଅନିୟନ୍ତ୍ରିତ ଇନୋଭା କାର୍ ସେମାନଙ୍କ ଉପରେ ମାଡିଯାଇଥିଲା। ଫଳରେ ଘଟଣାସ୍ଥଳରେ ହିଁ ୫ ଜଣଙ୍କ ମୃତ୍ୟୁ ଘଟିଥିଲା। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଆହତଙ୍କୁ ଡାକ୍ତରଖାନା ପଠାଇଥିଲା।