ଧର୍ମଶାଳା,୧୩।୭(ଶିବ ପ୍ରସାଦ ମହାନ୍ତି): ଯାଜପୁର ଜିଲା ଧର୍ମଶାଳା ନିର୍ବାଚନମଣ୍ଡଳୀର ଅଂଶୁମାନ ମେମୋରିଆଲ ଟ୍ରଷ୍ଟର ସମ୍ପାଦକ ତଥା ସମାଜସେବୀ ହିମାଂଶୁ ଶେଖର ସାହୁ ଗୁରୁବାର ଏକ ଖବରଦାତା ସମ୍ମିଳନୀରେ ମନକଥା ଖୋଲି କହିଛନ୍ତି। ଗତ ଦୁଇ ଦିନ ପୁର୍ବରୁ ଭାଜପା ରାଜ୍ୟ ସଭାପତିଙ୍କୁ ଭେଟିବା ପରେ ଶାଣିତ ହୋଇଛି ହିମାଂଶୁଙ୍କ ସ୍ବର। ନିକଟରେ ଭାଜପାରେ ମିଶିବାକୁ ଯାଉଥିବା ଅଂଶୁମାନ ମେମୋରିଆଲ ଟ୍ରଷ୍ଟ ସମ୍ପାଦକ ହିମାଂଶୁ ଆଗାମୀ ୧୫ନଂ ଜୋନ ଜିଲାପରିଷଦ ଉପନିର୍ବାଚନକୁ କିଭଳି ଭାବରେ ଜିତା ଯାଇପାରିବ ସେ ଉପରେ ଗୁରୁତ୍ୱାରୋପ କରିଛନ୍ତି। ଏହି ପରିପ୍ରେକ୍ଷୀରେ ତାଙ୍କ କାର୍ଯ୍ୟାଳୟରେ ଆୟୋଜିତ ଖବରଦାତା ସମ୍ମିଳନୀରେ ସେ ସ୍ଥାନୀୟ ବିଧାୟକଙ୍କୁ ଟାର୍ଗେଟ କରିବାକୁ ପଛାଇନାହାନ୍ତି। ଧର୍ମଶାଳାର ସାଧାରଣଲୋକେ ସେମାନଙ୍କର ନାର୍ଜ୍ୟ ଅଧିକାରରୁ ବଞ୍ଚିତ ଅଛନ୍ତି। ପରିବାରବାଦ ରାଜନୀତିରେ ଦୀର୍ଘ ବର୍ଷ ଧରି ଧର୍ମଶାଳା ପେଶି ହୋଇଯାଇଥିବା ବେଳେ ଆଗାମୀ ଦିନରେ ଲୋକେ ଉଚିତ ଜବାବ ଦେବେ ବୋଲି ସେ କହିଛନ୍ତି। ତେବେ ଜିଲାପରିଷଦ ଉପନିର୍ବାଚନରେ ଦଳ ଯାହାକୁ ପ୍ରାର୍ଥୀ ଘୋଷଣା କରିବ ତାକୁ ସେ ପୂର୍ଣ୍ଣ ସମର୍ଥନ କରିବା ସହିତ ତାଙ୍କୁ ଜିତାଇବାକୁ ପୂର୍ଣ୍ଣ ପ୍ରୟାସ କରିବେ ବୋଲି କହିଛନ୍ତି।