ଭାଜପା ସମ୍ପର୍କରେ କଂଗ୍ରେସର ଏତିକି ବିଧାୟକ: ହିମନ୍ତ ବିଶ୍ୱ ଶର୍ମାଙ୍କ ବିସ୍ଫୋରକ ବୟାନ

ରାଞ୍ଚି,୯।୯: ଝାଡଖଣ୍ଡରେ ହେବାକୁ ଥିବା ବିଧାନସଭା ନିର୍ବାଚନକୁ ନେଇ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି , ସେ କଂଗ୍ରେସର ଅନେକ ବିଧାୟକ ଏବଂ ଜେଏମଏମଙ୍କ ସହ ଯୋଗାଯୋଗରେ ଅଛନ୍ତି।

ସୋମବାର ରାଞ୍ଚିରେ ପହଞ୍ଚିବା ପରେ ଝାଡଖଣ୍ଡ ଭାଜପାର ନିର୍ବାଚନୀ ସହ-ପ୍ରଭାରୀ ଥିବା ହିମନ୍ତ ବିଶ୍ୱ ଶର୍ମା କହିଛନ୍ତି , ୧୨ରୁ ୧୪ ଜଣ କଂଗ୍ରେସ ବିଧାୟକ ଏବଂ ଦୁଇରୁ ତିନି ଜଣ ଜେଏମଏମ ବିଧାୟକ ଆମ ସହ ଯୋଗାଯୋଗରେ ଅଛନ୍ତି। କିନ୍ତୁ ଆମେ ସମସ୍ତଙ୍କୁ ଦଳକୁ ନେଇ ପାରିବୁ ନାହିଁ କାରଣ ଆମର ଭାଜପା ଲୋକମାନେ କ୍ରୋଧିତ ହୋଇଯିବେ କି ଆପଣ ଆମ ଆସନକୁ ବାହାର ଲୋକଙ୍କୁ ଆଣୁଛନ୍ତି।

ଭାଜପା ନେତା ଆହୁରି ଦାବି କରିଛନ୍ତି, ଆମ ଦଳ ଝାଡଖଣ୍ଡରେ ନିର୍ବାଚନ ଜିତିବାକୁ ଯାଉଛି। ଦଳର ନେତାମାନେ ସମସ୍ତ ଆସନରେ ନିର୍ବାଚନ ପାଇଁ ପ୍ରସ୍ତୁତି ଚଳାଇଛନ୍ତି। ଏଭଳି ପରିସ୍ଥିତିରେ ଯଦି ଆମେ କଂଗ୍ରେସ ଏବଂ ଜେଏମଏମ ବିଧାୟକଙ୍କୁ ଆମ ଦଳରେ ଅନ୍ତର୍ଭୁକ୍ତ କରୁ, ତେବେ ଆମ ଦଳର ନେତାମାନେ ମୋ ଉପରେ ଆକ୍ରମଣ ଆରମ୍ଭ କରିବେ।