ପ୍ରସିଦ୍ଧ ସଙ୍ଗୀତ ନିର୍ଦ୍ଦେଶକ ହିମେଶ ରେଶମିଆ ଆଜି ୫୦ ବର୍ଷରେ ପଦାର୍ପଣ କରିଛନ୍ତି। ତାଙ୍କ ସଂଗୀତ ସହିତ ସମସ୍ତଙ୍କ ହୃଦୟ ଜିତଥିବା ହିମେଶ ଜୁଲାଇ ୨୩, ୧୯୭୩ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ। ସଂଗୀତ ବ୍ୟତୀତ ହିମେଶ ତାଙ୍କ ବ୍ୟକ୍ତିଗତ ଜୀବନ ପାଇଁ ଚର୍ଚ୍ଚାରେ ରହିଆସିଛନ୍ତି।
ହିମେଶ ୧୯୯୫ରେ କୋମଲ ନାମକ ଜଣେ ଯୁବତୀଙ୍କ ବିବାହ କରିଥିଲେ। ୨୨ ବର୍ଷର ବୈବାହିକ ଜୀବନ ବିତାଇବା ପରେ ୨୦୧୭ରେ ଦୁହେଁ ଛାଡପତ୍ର ନେଇଥିଲେ। ଉଭୟଙ୍କର ଏକ ପୁଅ ମଧ୍ୟ ଅଛି । ଏହା ପରେ ହିମେଶ ରେଶମିଆ ସୋନିଆ କପୁରଙ୍କୁ ବିବାହ କରିଥିଲେ। ହିମେଶଙ୍କ ଜୀବନରେ ସୋନିଆଙ୍କ ପ୍ରବେଶ ତାଙ୍କର ପ୍ରଥମ ପତ୍ନୀ କୋମଲଙ୍କ କାରଣରୁ ହୋଇଥିଲା। କୋମଲ ସୋନିଆଙ୍କ ସାଙ୍ଗ ଥିଲେ।
ସୋନିଆ ଏବଂ ହିମେଶଙ୍କ ପରିବାର ଗୋଟିଏ ଅଟ୍ଟାଳିକାରେ ରହୁଥିଲେ। ସେତେବେଳକୁ ସୋନିଆ ଅନେକ ଟିଭି ଶୋ’ରେ କାମ କରି ହିମେଶଙ୍କ ଘରକୁ ଯାଉଥିଲେ। କୋମଲ ହିଁ ହିମେଶ ଏବଂ ସୋନିଆଙ୍କୁ ଭେଟିବାକୁ ଦେଇଥିଲେ। ୨୦୦୬ରେ ହିମେଶ ଏବଂ ସୋନିଆ ପରସ୍ପରକୁ ଡେଟିଂ ଆରମ୍ଭ କରିଥିଲେ। ଉଭୟଙ୍କ ପ୍ରେମ ପ୍ରାୟ ୧୧ ବର୍ଷ ପର୍ଯ୍ୟନ୍ତ ଚାଲିଥିଲା, ଯାହା କୋମଲ ଜାଣିପାରି ନ ଥିଲେ। ୨୦୧୭ ଉଭୟଙ୍କ ସମ୍ପର୍କ ବିଷୟରେ ଜାଣିବା ପରେ ତାଙ୍କ ପାଦ ତଳୁ ମାଟି ଖସି ପଡିଥିଲା। ତଥାପି ସେ ପରସ୍ପର ବୁଝମଣା କରି ସ୍ବାମୀଙ୍କୁ ଛାଡପତ୍ର ଦେବାକୁ ରାଜି ହୋଇଥିଲେ। ପରେ ହିମେଶ ସୋନିଆଙ୍କୁ ବିାହ କରିଥିଲେ।
