ଓଟାଓ୍ବା,୧୩।୧୦: ନିକଟରେ ଖାଲିସ୍ତାନୀ ଆତଙ୍କବାଦୀ ଗୁରପତବନ୍ତ ସିଂ ପନ୍ନୁ ଆତଙ୍କବାଦୀ ସଂଗଠନ ହମାସକୁ ସମର୍ଥନ କରି ଭାରତ ଉପରେ ଆକ୍ରମଣର ଧମକ ଦେଇଥିଲେ। ଏପରିକି ଜି୭ ଦେଶରେ ଥିବା ଭାରତୀୟ ଦୂତାବାସ ଉପରେ ଆକ୍ରମଣ କରିବାକୁ ଧମକ ମଧ୍ୟ ଦେଇଥିଲେ। ବର୍ତ୍ତମାନ କାନାଡାରେ ରହୁଥିବା ହିନ୍ଦୁ ସମ୍ପ୍ରଦାୟ ଏହା ଉପରେ ଗଭୀର ଚିନ୍ତା ପ୍ରକାଶ କରିଛନ୍ତି ଏବଂ କାନାଡା ସରକାରଙ୍କ ଠାରୁ ପନ୍ନୁଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି।
ଖାଲିସ୍ତାନୀ ଆତଙ୍କବାଦୀ ଗୁରପତବନ୍ତ ସିଂ ପନ୍ନୁଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରି କାନାଡା ସରକାରଙ୍କ ଜନସ୍ବାସ୍ଥ୍ୟ ସୁରକ୍ଷା ମନ୍ତ୍ରୀ ଡୋମିନିକ ଲିବ୍ଲାନ୍ଙ୍କୁ ଏକ ଇମେଲ ପଠାଇଛନ୍ତି। ହିନ୍ଦୁ ଫୋରମ ଲେଖିଛି ଯେ ଏଭଳି ବିବୃତ୍ତିକୁ ବରଦାସ୍ତ କରାଯିବା ଉଚିତ୍ ନୁହେଁ। ଏହି ପ୍ରସଙ୍ଗରେ ତୁରନ୍ତ ପଦକ୍ଷେପ ନେବାକୁ ଆମେ ସରକାରଙ୍କୁ ନିବେଦନ କରୁଛୁ। ଘୃଣ୍ୟ ବକ୍ତବ୍ୟ ମାଧ୍ୟମରେ ଲୋକଙ୍କୁ କିପରି ଉତ୍ସାହିତ କରାଯାଉଛି, ସେଥିପାଇଁ ଆମେ ଆମ ସମ୍ପ୍ରଦାୟର ସୁରକ୍ଷା ବିଷୟରେ ଚିନ୍ତିତ। ହିନ୍ଦୁ ଫୋରମ ଲେଖିଛି, ପନ୍ନୁ କାନାଡାର ନାଗରିକ ନୁହଁନ୍ତି, ତେଣୁ କାନାଡାରେ ପ୍ରବେଶ ଉପରେ ପ୍ରତିବନ୍ଧକ ଲଗାଯିବା ଉଚିତ୍ ଏବଂ ଯଦି ସେ କାନାଡାର ନାଗରିକ ତେବେ ତାଙ୍କ ବିରୋଧରେ ତଦନ୍ତ କରାଯାଉ।
