ହିନ୍ଦୁ ଧର୍ମ ସର୍ବ ପୁରାତନ, ଏଠାକୁ ଇସଲାମ ହାତରେ ଖଣ୍ଡା ଧରି ଆସି ନ ଥିଲା: ଗୁଲାମ ନବୀ ଆଜାଦ…

ଶ୍ରୀନଗର,୧୯।୮ : ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦ ଗତ ଦିନରେ ଡୋଡାଠାରେ ଏକ ବିବୃତ୍ତି ଦେଇଥିଲେ। ଉକ୍ତ ବିବୃତ୍ତିର ସ୍ପଷ୍ଟୀକରଣ ସେ ଶନିବାର ଏକ ନ୍ୟୁଜ ଏଜେନ୍ସି ସହ ବାର୍ତ୍ତାଳାପରେ ଦେଇଛନ୍ତି। ସେ ଦୋହରାଇଛନ୍ତି ହିନ୍ଦୁ ଧର୍ମ ହେଉଛି ପୁରାତନ ଧର୍ମ।

ସେ କହିଛନ୍ତି, ନିକଟରେ ମୁଁ ଏକ ଭାଷଣ ଦେଇଥିଲି, ଯେଉଁଥିପାଇଁ ଜନସାଧାରଣଙ୍କ ମଧ୍ୟରେ କିଛି ଦ୍ୱନ୍ଦ୍ୱ ସୃଷ୍ଟି ହୋଇଛି। ବାସ୍ତବରେ, ମୁଁ ଭାରତରେ ହିନ୍ଦୁ-ମୁସଲମାନ ଇତିହାସ ବିଷୟରେ କହୁଥିଲି। ଏହା ମଧ୍ୟ କହିଛି କିଛି ଲୋକ ସାଧାରଣତଃ କୁହନ୍ତି ମୁସଲମାନମାନେ ବାହାରୁ ଆସିଛନ୍ତି, ମୁଁ ସବୁବେଳେ ଏହା ପଛରେ ଦୁଇଟି କାରଣ ଅଛି ବୋଲି ଯୁକ୍ତି କରିଆସୁଛି। ବହୁତ କମ ମୁସଲମାନ ବାହାରୁ ଆସିଛନ୍ତି।

ଅଧିକାଂଶ ଭାରତୀୟ ମୁସଲମାନ ଅଟନ୍ତି। ଇସଲାମ ଦୁନିଆରେ ଏବଂ ଆମ ଦେଶରେ ଖଣ୍ଡା ହାତରେ ଧରି କେବେ ଆସି ନ ଥିଲା। ଇସଲାମ ପ୍ରେମର ବାର୍ତ୍ତା ନେଇ ଆସିଥିଲା। ଦୁର୍ଭାଗ୍ୟବଶତଃ ଏହି ତଥ୍ୟଗୁଡିକ ରେକର୍ଡ ହୋଇନାହିଁ ।

ଇସଲାମ ଏହି ଦେଶରେ ଜନ୍ମ ନେଇ ନାହିଁ , ବରଂ ଅନ୍ୟ ଦେଶରେ ଏହା ଧୀରେ ଧୀରେ ବ୍ୟାପିଥିବା ପରି ଭାତରରେ ମଧ୍ୟ ବିସ୍ତାର ହୋଇଛି। ଇସଲାମ ହଜରତ-ଇ-ଆଦମ ଏବଂ କୟାମତ ପର୍ଯ୍ୟନ୍ତ ଇସଲାମ ଜୀବନ୍ତ ରହିବ। କିନ୍ତୁ ମୁଁ ମୋର ସଭାରେ ପୁରା ପରିସ୍ଥିତି ବିଷୟରେ କହୁ ନ ଥିଲି, ମୁଁ ଭାରତ ବିଷୟରେ କହୁଥିଲି। ସେହି ସମ୍ପର୍କରେ ମୁଁ କହିଥିଲି ହିନ୍ଦୁ ଧର୍ମ ହେଉଛି ପୁରାତନ ଧର୍ମ ଏବଂ ଏହା ହେଉଛି ବାସ୍ତବତା।

ମୋଗଲ ସେନାରେ ୧୦-୨୦ ଜଣ ବିଦେଶୀ ମୁସଲମାନ ଥିଲେ। ଅନ୍ୟ ସମସ୍ତେ ଭାରତୀୟ ମାତ୍ର ପରେ ଧର୍ମ ପରିବର୍ତ୍ତନ କରିଥିଲେ। କଶ୍ମୀରରେ ମୁସଲମାନମାନେ କଶ୍ମୀର ପଣ୍ଡିତ ଥିଲେ।