ସମ୍ବଲପୁର,୨୩ା୧(ବ୍ୟୁରୋ):ସମ୍ବଲପୁର ସହରସ୍ଥିତ ସୁନାପାଲି ଆଲ୍ଲା ହଜ୍ରତ କମିଟି ପକ୍ଷରୁ ସାମୂହିକ ବିବାହ ନିମନ୍ତେ ନିଆରା ପ୍ରୟାସ କରାଯାଇଛି। ରବିବାର ଗୋଟିଏ ବିବାହ ମଣ୍ଡପରେ ୧୧ ଯୋଡା ମୁସଲମାନ ଓ ୨ ଯୋଡା ହିନ୍ଦୁ ଯୁବତୀ ଯୁବକ ବିବାହ ବନ୍ଧନରେ ବାନ୍ଧି ହୋଇଛନ୍ତି। ମୁସଲମାନ କନ୍ୟା ବରଙ୍କ ବିବାହ ପାଇଁ ସେମାନଙ୍କ ଧର୍ମର ରୀତିନୀତି ବ୍ୟବସ୍ଥା କରାଯାଇଥିଲା ା ସେହିପରି ହିନ୍ଦୁ କନ୍ୟା ବର ହିନ୍ଦୁ ରୀତିନୀତିରେ ବିବାହ କରିଥିଲେ। ଏହି ବିବାହ ଉତ୍ସବରେ ପ୍ରତିଷ୍ଠିତ ବ୍ୟକ୍ତି, ପ୍ରଶାସନିକ ଅଧିକାରୀ, ସାମାଜିକ ଅନୁଷ୍ଠାନ ସଦସ୍ୟମାନେ ଯୋଗଦେଇ ନବ ଦମ୍ପତିଙ୍କୁ ଆଶୀର୍ବାଦ କରିଥିଲେ। ଅନୁଷ୍ଠାନ ପକ୍ଷରୁ କନ୍ୟାଦାନ ସମୟରେ ଅତ୍ୟାବଶ୍ୟକ ଆସବାବପତ୍ର ଦିଆଯାଇଥିଲା। ପୂର୍ବତନ ବିଧାୟିକା ଡାକ୍ତର ରାସେଶ୍ୱରୀ ପାଣିଗ୍ରାହୀ, ପୂର୍ବତନ ଜିଲା ବିଜେଡି ସଭାପତି ଡ. ପ୍ରମୋଦ ରଥ, ବିଜେଡି ଜିଲା ସଭାପତି ସିର୍ଦ୍ଧାଥ ଦାସ, ପୂର୍ବତନ ଉପନଗରପାଳ ସିଦ୍ଧାର୍ଥ ସାହା, ସଞ୍ଜୟ ବାବୁ, ବରଗଡ ବିଧାୟକ ଦେବେଶ ଆଚାର୍ଯ୍ୟ, ଆୟୁବ ଖାନ, ଜିଲା ରେଡକ୍ରସ ସମ୍ପାଦକ ଜୟ ଜଜ୍, ଚାଷୀନେତା ଅଶୋକ ପ୍ରଧାନ, ବ୍ୟବସାୟୀ ଅଶୋକ ଜଲାନ, ଅଲିମ କାମଦାର, ଆସଫ ଅଲ୍ଳୀ ଖାନ, ମହମ୍ମଦ ସୁବହାନ, ଅନିତା ପ୍ରଧାନ, ଅନନ୍ୟା ନାୟକ, ହାମିଦ ହସନ ଖାନ୍ ପ୍ରମୁଖ ଯୋଗ ଦେଇଥିଲେ। ଏ ସମ୍ପର୍କରେ ଅନୁଷ୍ଠାନର ସମ୍ପାଦକ ଆତିଫ ଆଲମ କହିଛନ୍ତି ଯେ, ପ୍ରାୟ ୫ ବର୍ଷ ହେବ ଏହି ସାମୂହିକ ବିବାହ ଉତ୍ସବର ଆୟୋଜନ କରାଯାଉଛି। କୋଭିଡ୍ କଟକଣା ପାଇଁ ୨ ବର୍ଷ ବନ୍ଦ ରହିଥିଲା। ଚଳିତବର୍ଷ ଆରମ୍ଭ ହୋଇଛି। ବହୁ ମାନ୍ୟଗଣ ବ୍ୟକ୍ତି ଏଥିରେ ଯୋଗ ଦେଇଥିଲେ। ଜିଲା ପ୍ରଶାସନ ସହିତ ସହରବାସୀଙ୍କ ସହଯୋଗରେ ପ୍ରୟାସ ସଫଳ ହୋଇଛି। ଆଗକୁ ମଧ୍ୟ ଏହି ପ୍ରଚେଷ୍ଟା ଜାରି ରହିବ ବୋଲି ସେ କହିଥିଲେ।