ପାଲେକେଲ୍,୫।୯:ଏସିଆ କପ ୨୦୨୩ର ପଞ୍ଚମ ମ୍ୟାଚରେ ଭାରତ ନେପାଳକୁ ୧୦ ଉଇକେଟରେ ପରାସ୍ତ କରିଛି। ଏହି ବିଜୟରେ ଭାରତୀୟ ଅଧିନାୟକ ରୋହିତ ଶର୍ମା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏକ ଆକର୍ଷଣୀୟ ରେକର୍ଡ ତାଙ୍କ ନାମରେ ଯୋଡା ଯାଇଥିଲା।
ଏସିଆ କପ୍ର ଦିନିକିଆ ଫର୍ମାଟରେ ଭାରତ ପାଇଁ ଗୋଟିଏ ଇନିଂସରେ ସର୍ବାଧିକ ଛକା ମାରିବାରେ ରୋହିତ ମିଳିତ ଭାବେ ତୃତୀୟ ସ୍ଥାନରେ ପହଞ୍ଚିଛନ୍ତି। ଏହି ପ୍ରସଙ୍ଗରେ ସୌରଭ ଗାଙ୍ଗୁଲି ଶୀର୍ଷରେ ଅଛନ୍ତି। ୨୦୦୦ରେ ବାଂଲାଦେଶ ବିପକ୍ଷରେ ଗାଙ୍ଗୁଲି ୭ ଛକା ମାରିଥିଲେ। ମହେନ୍ଦ୍ର ସିଂ ଧୋନୀ ଦ୍ୱିତୀୟ ସ୍ଥାନରେ ଅଛନ୍ତି। ଧୋନୀ ୨୦୦୮ରେ ୬ଟି ଛକା ମାରିଥିଲେ। ନେପାଳ ବିପକ୍ଷରେ ରୋହିତ ୫ଟି ଛକା ମାରିଥିଲେ। ସୁରେଶ ରାଇନା ଏବଂ ବୀରେନ୍ଦ୍ର ସେହ୍ବାଗ ମଧ୍ୟ ପ୍ରତ୍ୟେକ ୫-୫ ଛକା ମାରିଛନ୍ତି।
ସୂଚନାଯୋଗ୍ୟ ଯେ, ନେପାଳର ଟାର୍ଗେଟକୁ ପିଛା କରୁଥିବା ଭାରତୀୟ ଦଳ ପାଇଁ ରୋହିତ ଏବଂ ଶୁବମନ ଗିଲ ଇନିଂସ ଓପନ୍ କରିବାକୁ ଆସିଥିଲେ। ରୋହିତ ୫୯ ବଲ ସମ୍ମୁଖରେ ଅପରାଜିତ ୭୪ ରନ ସ୍କୋର କରିଥିଲେ। ସେ ୬ଟି ଚୌକା ଓ ୫ ଛକା ମାରିଥିଲେ। ୬୨ଟି ବଲରେ ଶୁବମନ ଅପରାଜିତ ୬୭ ରନ କରିଥିଲେ। ସେ ୮ ଚୌକା ଓ ଗୋଟିଏ ଛକା ମାରିଥିଲେ।