କେନ୍ଦୁଝର,୩।୧୧(ସ୍ବ.ପ୍ର.): କେନ୍ଦୁଝର ଜିଲା ସଦର ଥାନା ଅନ୍ତର୍ଗତ ବଡପଶି ଗ୍ରାମ ନିକଟରେ ଏକ ହାଇଓ୍ବା ଟ୍ରକ୍ ଓ କାର୍ ମୁହାଁମୁହିଁ ଧକ୍କା ହୋଇଛି। ଫଳରେ କାର୍ରେ ବସିଥିବା ଦୁଇ ଭାଇ ସମେତ ୪ ଜଣଙ୍କର ମୃତ୍ୟୁ ଘଟିଛି। କାର ଓ ହାଇଓ୍ବା ଚାଳକ ଅଳ୍ପକେ ମୃତ୍ୟୁ ମୁଖରୁ ବଞ୍ଚିଯାଇଥିବା ବେଳେ ଆହତ ହୋଇଥିବା ଜଣାପଡିଛି। ସେମାନଙ୍କ ଘର ଘଟଗାଁ ବ୍ଲକ ଅଞ୍ଚଳର ବୋଲି ଜଣାପଡିଛି। ମୃତକମାନେ ହେଲେ ପିପିଳିଆ ଗ୍ରାମର ନରୋତମ ସିଂ (୬୫) ଓ ତାଙ୍କ ଭାଇ ହୃଷିକେଶ ସିଂ (୫୮)। ଅନ୍ୟ ଦୁଇ ଜଣ ଚିତ୍ତରଞ୍ଜନ ନାଏକ (୫୦) ଏବଂ ପାଖ ସରାଶପଶି ଗ୍ରାମର ପ୍ରକାଶ ନାଏକ (୪୫)। ସେହିପରି କାର୍ ଚାଳକ ବୃନ୍ଦାବନପୁରର ତପନ କୁମାର ନାଏକ ଆହତ ହୋଇ ଚିକିତ୍ସିତ ଥିବା ବେଳେ ହାଇଓ୍ବା ଚାଳକ୍ଙ୍କ ପରିଚୟ ମିଳିନାହିଁ।
ସୂଚନାଯୋଗ୍ୟ, କାର୍ରେ ଡ୍ରାଇଭର ସମେତ ୫ଜଣ ଅପରାହ୍ନରେ କେନ୍ଦୁଝରକୁ ମେଳା ଦେଖିବାକୁ ଆସୁଥିଲେ। ଏହି ସମୟରେ କେନ୍ଦୁଝର ଆଡୁକ୍ଷୀପ୍ର ଗତିରେ ଆସୁଥିବା ଏକ ହାଇଓ୍ବା ଟ୍ରକ୍ କର୍କୁ ଧକ୍କା ଦେଇଥିଲା।।ଦୁର୍ଘଟଣା ପରେ ଦୁଇଟି ଯାକ ଗାଡି ରାସ୍ତା ତଳକୁ ଖସି ପଡିଥିଲା।ତେବେ ଘଟଣାସ୍ଥଳରେ ତିନି ଜଣଙ୍କ ମୃତ୍ୟୁ ହୋଇଥିବା ବେଳେ ଆହତମାନଙ୍କୁ କେନ୍ଦୁଝର ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଜଣଙ୍କ ମୃତ୍ୟୁ ହୋଇଥିଲା।
ଅନ୍ୟପଟେ,ଘଟଣାସ୍ଥଳ ରାସ୍ତାର ମରାମତି କାମ ଏଆରଏସଏସ ସଂସ୍ଥା କରୁଥିବା ବେଳେ ନିର୍ଦ୍ଧାରିତ ସମୟରେ ନିର୍ମାଣ କାମ ସରୁନଥିବାରୁ ଏଭଳି ଦୁର୍ଘଟଣା ଘଟିଥିବା ସ୍ଥାନୀୟ ଲୋକ କହିଛନ୍ତି। ତେବେ ଏହାକୁ ନେଇ ଘଟଣାସ୍ଥଳରେ ଉତେଜନା ପରିସ୍ଥିତି ସୃଷ୍ଟି ହୋଇଛି।